మహేష్ బాబు కథానాయకుడిగా త్రివిక్రమ్(Mahesh Babu-Trivikram movie) దర్శకత్వంలో ఓ చిత్రం తెరకెక్కనుంది. సోమవారం ఈ సినిమాకు సంబంధించి ఆసక్తికర విషయాలను చిత్రబృందం వెల్లడించింది. కథానాయికతో పాటు, సాంకేతిక బృంద వివరాలను ప్రకటించింది. ఈ చిత్రంలో మహేష్ సరసన బుట్ట బొమ్మ పూజా హెగ్డే సందడి చేయనుంది. ఎ.ఎస్‌.ప్రకాశ్‌ ఆర్ట్‌ డైరెక్టర్‌గా, నవీన్‌ నూలి ఎడిటర్‌గా, మది సినిమాటోగ్రాఫర్‌గా వ్యవహరించనున్నారు. తమన్‌ స్వరాలు సమకూరుస్తారు. హారిక అండ్ హాసిని క్రియేషన్స్‌ పతాకంపై ఎస్‌.రాధాకృష్ణ(చినబాబు)ఈ చిత్రాన్ని నిర్మిస్తున్నారు.
- " class="align-text-top noRightClick twitterSection" data="">
ప్రస్తుతం మహేష్ పరశురామ్‌ దర్శకత్వంలో 'సర్కారువారి పాట' చిత్రంలో నటిస్తున్నారు. కీర్తి సురేశ్‌ కథానాయిక. శరవేగంగా చిత్రీకరణ జరుపుకొంటున్న ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. ఈ సినిమా పూర్తయిన వెంటనే మహేష్-త్రివిక్రమ్ కాంబో సెట్స్‌పైకి వెళ్లనుంది.
