2015లో విడుదలైన 'సోగ్గాడే చిన్నినాయన' చిత్రం కుటుంబ ప్రేక్షకుల్ని విశేషంగా ఆకట్టుకుని భారీ విజయాన్ని అందుకుంది. ఈ చిత్రంలో నాగార్జున చేసిన 'బంగార్రాజు' పాత్రకు విశేషమైన స్పందన లభించింది. ప్రస్తుతం ఈ సినిమాకు సీక్వెల్ చేసే ప్రణాళికల్లో ఉన్నాడు దర్శకుడు కల్యాణ్ కృష్ణ. నాగార్జున-నాగ చైతన్య కాంబినేషన్లో రానుందీ చిత్రం.
డిసెంబర్లో ఈ సినిమాను సెట్స్ పైకి తీసుకెళ్లటానికి చిత్రబృందం సన్నాహాలు చేస్తోంది. అలాగే నాగ్ ఓ హిందీ చిత్రాన్ని రీమేక్ చేయబోతున్నట్లు సినీ వర్గాల సమాచారం. వచ్చే నెలలో తన కొత్త సినిమాల విశేషాలను అధికారికంగా ప్రకటించనున్నాడు నాగ్. ఇక బంగార్రాజు సినిమాలో ఓ కీలక పాత్రలో రమ్యకృష్ణ నటించనుంది.
ఇదీ చూడండి : 'కోట్లాది మంది ప్రేక్షకులకు కృతజ్ఞతలు'
