కింగ్ నాగార్జునకు ఇటీవలే చేసిన ఏ సినిమా విజయం అందుకోలేదు. గత ఏడాది వచ్చిన 'దేవదాస్', 'ఆఫీసర్'లతో పాటు.. ఈ సంవత్సరం విడుదలైన 'మన్మథుడు 2' నిరాశపరిచాయి. అందుకే ఓ మంచి చిత్రంలో నటించి అభిమానులను సంతృప్తి పరచాలని భావిస్తున్నాడు. అందుకు తగ్గట్లుగానే శుక్రవారం కొత్త చిత్రం ప్రకటించడం సహా ఫస్ట్లుక్ను పంచుకున్నాడు.
ఈ సినిమాకు 'వైల్డ్ డాగ్' అనే ఆసక్తికర టైటిల్ పెట్టారు. విజయ్ వర్మ అనే ఎన్ఐఏ అధికారిగా నటిస్తున్నాడు నాగ్. ఎంతటి కరుడుగట్టిన తీవ్రవాదులనైనా వేటాడి అంతం చేస్తాడు. అందుకే ఇతడిని విజయ్ వర్మ ఉరఫ్ 'వైల్డ్ డాగ్' అని పిలుస్తారు.
హైదరాబాద్ నడిబొడ్డున ఎన్కౌంటర్.. ఆరుగురు మృతి అని దినపత్రికలో వచ్చిన వార్తలో నాగార్జున కనిపిస్తున్నాడు. సీక్రెట్ ఇన్వెస్టిగేషన్లో భాగంగా ఓ పోలీస్ అధికారి మరణించడం వల్ల నాగార్జున రంగంలోకి దిగినట్లు తెలుస్తోంది. యదార్థ సంఘటనల ఆధారంగా ఈ సినిమా తీశారు. అహిషోర్ సోలమన్ దర్శకుడు. మ్యాట్నీ ఎంటర్టైన్మెంట్స్ బ్యానర్పై నిర్మిస్తున్నారు.
