ప్రభాస్ 'సలార్' చిత్రంలో శ్రీనిధి శెట్టి కనిపించనుందా? అవుననే అంటున్నాయి సినీ వర్గాలు. అయితే ఆమె పోషించేది ప్రత్యేక పాత్రో, అతిథి పాత్రో కాదట. ఓ ప్రత్యేక గీతంలో ప్రభాస్‌తో కలిసి స్టెప్పులేయబోతోందని తెలుస్తోంది. పవర్‌ ఫుల్‌ యాక్షన్‌ నేపథ్యంలో రూపొందుతోన్న ఈ సినిమాలో స్పెషల్‌ సాంగ్‌కి చోటుందని.. ఈ మేరకు చిత్ర బృందం నిధిని సంప్రదించినట్టు కన్నడ మీడియాలో టాక్‌ నడుస్తోంది. ప్రభాస్ పక్కన ఆడిపాడేందుకు నిధి ఆసక్తి చూపుతోందని సమాచారం. ఈ విషయంపై త్వరలోనే స్పష్టత వచ్చే అవకాశాలున్నాయి.
హోంబలే ఫిల్మ్స్‌ సంస్థ నిర్మిస్తోన్న ఈ చిత్రానికి ప్రశాంత్ నీల్ దర్శకత్వం వహిస్తున్నారు. శ్రుతి హాసన్‌ నాయిక. పాన్‌ ఇండియా స్థాయిలో రూపొందుతోన్న ఈ చిత్రం 2021 ఏప్రిల్‌ 14న విడుదల కానుంది. కన్నడ నటుడు యశ్‌ హీరోగా వచ్చిన 'కేజీఎఫ్ ఛాప్టర్‌ 1' చిత్రాన్ని ప్రశాంత్ నీలే తెరకెక్కించారు. దానికి కొనసాగింపుగా 'కేజీఎఫ్ ఛాప్టర్‌ 2' రాబోతోంది.
ఇదీ చూడండి: కొవాగ్జిన్ టీకా తీసుకున్న అక్కినేని నాగార్జున
