అగ్రకథానాయిక నయనతార.. త్వరలో వివాహ బంధంలోకి అడుగుపెట్టనుందంటూ జోరుగా వార్తలు వస్తున్నాయి. తన ప్రియుడు, దర్శకుడు విఘ్నేశ్ శివన్ను ఆమె పెళ్లి చేసుకోనుందని ప్రచారం జరుగుతోంది. తమిళనాడులోని ఓ గుడిలో త్వరలో వివాహం చేసుకోనున్నారని.. పరిమిత సంఖ్యలో బంధువులు మాత్రమే హాజరవుతారని సమాచారం.
ఈ శుభవార్తతో నయన్ అభిమానులు సంతోషం వ్యక్తం చేస్తున్నారు. నయన్-విఘ్నేశ్‌కు శుభాకాంక్షలు తెలుపుతూ నెట్టింట్లో పోస్టులు పెడుతున్నారు. అయితే తమ పెళ్లి గురించి వస్తోన్న వార్తలపై నయన్ కానీ, విఘ్నేశ్ కానీ ఇప్పటివరకూ అధికారికంగా ఎలాంటి ప్రకటన చేయలేదు.
2015లో వచ్చిన 'నేనూ రౌడీనే' సినిమా కోసం దర్శకుడు విఘ్నేశ్‌తో కలిసి పనిచేసింది నయన్. ఆ సమయంలోనే వీరిద్దరి మధ్య పరిచయం ఏర్పడింది. అనంతరం ప్రేమలో పడ్డారు. వీరు కలిసి దిగిన పలు ఫొటోలను విఘ్నేశ్.. అప్పుడప్పుడు ఇన్‌స్టాలో పంచుకుంటూ ఉంటాడు. ప్రస్తుతం నయన్.. 'నెట్రికారన్‌', 'కాతువక్కుల రెండు కాదల్‌', 'ముక్తి అమ్మన్‌' చిత్రాల్లో నటిస్తోంది.
ఇదీ చూడండి : చీపురు పట్టి అమ్మకు సాయం చేసిన సితార
