గోవా బ్యూటీ ఇలియానా ఇన్‌స్టా వేదికగా అభిమానులతో ముచ్చటించింది. నెటిజన్లు అడిగిన ప్రశ్నలకు సమాధానం ఇచ్చి సందడి చేసింది. 'ఆస్క్‌ మీ ఎనీథింగ్‌' పేరిట నిర్వహించిన ఈ చాటింగ్‌లో పలు ఆసక్తికర విషయాలను పంచుకొందీ ముద్దుగుమ్మ. ఇందులో భాగంగా ఒకానొక సమయంలో 'బాడీ డిస్మార్ఫియా' అనే ఫోబియాతో తాను బాధపడినట్లు తెలిపింది. ఓ దశలో తన శరీరం పట్ల అసంతృప్తిగా ఉన్నట్లు చెప్పింది ఇలియానా. అద్దంలో తన శరీరాన్ని చూసుకుని బాధపడిన్నట్లు వెల్లడించింది.
"కొంతమంది అమ్మాయిలు.. తమ శరీర కొలతలు సరిగ్గా , అందంగా ఉన్నప్పటికీ శరీరం పట్ల అసంతృప్తికి గురవుతుంటారు. దానినే బాడీ డిస్మార్ఫియా అంటారు. దానిని కవర్ చేసేందుకు ఎన్నో ప్రయత్నాలు చేస్తుంటారు. జీవితంలో ప్రతిక్షణాన్ని ఆస్వాదించినప్పుడు మనసు నిర్మలంగా ఉంటుంది. అప్పుడు మనం మరింత బలంగా తయారవుతాం. అందంగానూ కనపిస్తాం. ఈ విషయం చాలా మందికి తెలియడం లేదు. ఒకప్పుడు ఈ సమస్యతో నేనూ బాధపడ్డాను. అద్దంలో నన్ను నేను చూసుకున్నప్పుడు నా శరీరం అసహ్యంగా కనిపించేది(నవ్వుతూ). కానీ ఇప్పుడు అలా కాదు. నా శరీరం పట్ల సానుకూల దృక్పథంతో చూడటం నేర్చుకున్నాను."
-ఇలియానా, నటి.
'దేవదాసు' చిత్రంతో టాలీవుడ్‌కు పరిచయమైన ఈ బ్యూటీ.. ప్రస్తుతం తెలుగు తెరకు దూరంగా ఉంది. 'అన్‌ఫెయిర్‌ అండ్‌ లవ్లీ', 'ది బిగ్‌ బుల్‌' చిత్రాలతో బాలీవుడ్‌లో బిజీగా మారిపోయింది. ప్రస్తుతం పలు చిత్రాల్లో నటిస్తోంది.
ఇదీ చూడండి: ముద్దుగుమ్మ ఇలియానా కొత్త బాయ్ఫ్రెండ్!
