ప్రస్తుతం థియేటర్కు వెళ్లి సినిమాలు చూసేవారి సంఖ్య తగ్గిపోయింది. అందుకు కారణమూ లేకపోలేదు. చిత్రం విడుదలైన నెల, నెలన్నర వ్యవధిలో ఓటీటీ(అమెజాన్ ప్రైమ్, నెట్ఫ్లిక్స్) మాధ్యమాల్లో వచ్చేస్తున్నాయి. అందుకే ప్రేక్షకులు... వెండితెరపై సినిమా చూసేందుకు ఆసక్తి చూపించడం లేదు. తాజాగా ఇదే విషయంపై హీరో విశ్వక్సేన్ మాట్లాడాడు. హైదరాబాద్లో జరిగిన 'రాజావారు రాణిగారు' ప్రీ రిలీజ్ ఈవెంట్లో ఈ రెండింటి మధ్య తేడాను ఓ ఉదాహరణతో వివరించాడు.
"కుటుంబంతో కలిసి చూడగలిగే స్వచ్ఛమైన ప్రేమకథ ఈ సినిమా. చూస్తున్నంతసేపు థియేటర్లో ఉన్నట్లు లేదు. దీనిని ఓటీటీ ఫ్లాట్ఫామ్స్లోనూ చూడండి పర్లేదు. అయితే థియేటర్లో చూస్తే ఫ్యామిలీతో కలిసి తిన్నట్లు ఉంటుంది. ఓటీటీలో చూస్తే మీరు ఒంటరిగా రెస్టారెంట్కు పోయి తిన్నట్లు ఉంటుంది" -విశ్వక్సేన్, హీరో
'రాజావారు రాణిగారు'లో కిరణ్ అబ్బవరం, రహస్య గోరఖ్ హీరోహీరోయిన్లుగా నటించారు. గ్రామీణ నేపథ్య ప్రేమకథతో తెరకెక్కింది. రవి కిరణ్ దర్శకత్వం వహించాడు. ఈ నెల 29న ప్రేక్షకుల ముందుకు రానుంది.
ఇది చదవండి: ప్రేమకథతో వస్తున్న 'రాజావారు.. రాణిగారు'
