గోపీచంద్ కథానాయకుడిగా ప్రముఖ దర్శకుడు బి.గోపాల్‌ తెరకెక్కించిన చిత్రం 'ఆరడుగుల బుల్లెట్'(Aaradugula Bullet). నయనతార(Nayanthara) కథానాయిక. ఎప్పుడో విడుదలకావాల్సిన ఈ చిత్రం పలు కారణాల వల్ల వాయిదాపడింది. త్వరలోనే ప్రేక్షకుల ముందుకు వచ్చేందుకు సిద్ధమవుతోంది.
"ఈ సినిమాకు సంబంధించిన అన్ని కార్యక్రమాలు పూర్తయ్యాయి. ఆగస్టులో ప్రపంచవ్యాప్తంగా విడుదల చేయనున్నాం. గోపీచంద్- నయనతార జోడీ, బి. గోపాల్‌ దర్శకత్వం, మణిశర్మ అందించిన సంగీతం ఈ చిత్రానికి ప్రధాన బలం. విడుదల తేదీని త్వరలోనే ప్రకటిస్తాం" అని చిత్రబృందం ఓ ప్రకటనలో తెలిపింది.
ఈ చిత్రాన్ని జయబాలజీ రీల్‌ మీడియా ప్రైవేటు లిమిటెడ్‌ పతాకంపై తాండ్ర రమేశ్‌ నిర్మించారు. ఈ సినిమాలో ప్రకాశ్‌ రాజ్, బ్రహ్మానందం, అభిమన్యు సిన్హా కీలక పాత్రలు పోషించారు. ప్రముఖ రచయిత, దర్శకుడు వక్కంతం వంశీ ఈ సినిమాకు కథను అందించారు.
'పక్కా కమర్షియల్'గా..
గోపీచంద్ కథానాయకుడిగా నటిస్తోన్న మరో చిత్రం 'పక్కా కమర్షియల్'(Pakka Commercial). మారుతి దర్శకత్వంలో తెరకెక్కుతోన్న సినిమాలో రాశీ ఖన్నా కథానాయిక. గీతా ఆర్ట్స్‌-2, యూవీ క్రియేషన్స్‌ సంయుక్తంగా ఈ చిత్రాన్ని నిర్మిస్తున్నాయి. ఇటీవలే గోపీచంద్ పుట్టినరోజు సందర్భంగా ఇందులోని పోస్టర్ను విడుదల చేసింది చిత్రబృందం. షూటింగ్ ఇప్పటికే తుదిదశకు చేరుకోగా.. మరోవైపు పోస్ట్ ప్రొడక్షన్ వర్క్స్ శరవేగంగా జరుగుతున్నాయి. ఈ చిత్రాన్ని కూడా ఆగస్టులోనే విడుదల చేసేందుకు నిర్మాణసంస్థలు సన్నాహాలు చేస్తున్నాయి.
ఇదీ చూడండి.. Mehreen: హీరోయిన్ పెళ్లి రద్దుకు కారణమిదే!
