'ఆర్ఆర్ఆర్' హీరోయిన్ ఆలియాభట్.. హిందీలో 'గంగూబాయ్' అనే బయోపిక్లో టైటిల్ రోల్లో నటిస్తోంది. ముంబయిలోని ఓ స్టూడియోలో చాలా రోజుల క్రితమే షూటింగ్ ప్రారంభమైంది. లాక్డౌన్ వల్ల దానిని మార్చిలోనే నిలిపేశారు. అయితే ఈ సినిమా కోసం ప్రత్యేకంగా తీర్చిదిద్దిన ఓ సెట్కు అద్దెభారం పెరుగుతూ వస్తోంది. ఈ కారణంతో దానిని కూల్చివేయాలని చిత్రబృందం నిర్ణయం తీసుకుంది.
"లాక్డౌన్ ప్రకటించాక షూటింగ్ వాయిదా పడింది. ఓ నెలలో మళ్లీ మొదలవుతుందని అనుకున్నాం. కానీ ముంబయిలో పరిస్థితుల వల్ల చిత్రీకరణ ఇప్పట్లో జరిగే అవకాశం కన్పించట్లేదు. ఫిల్మ్సిటీలోని సెట్కు ప్రతిరోజూ అద్దె చెల్లించే కన్నా, కొత్త సెట్ను నిర్మిస్తే.. దాని ఖర్చు తక్కువవుతుంది. అందువల్ల సెట్ను నేలమట్టం చేయాలని చిత్రబృందం నిర్ణయించుకుంది" - చిత్రబృందంలోని ఓ ప్రతినిధి
ముంబయికి చెందిన రౌడీరాణి గంగూబాయ్ కతియావాడి జీవితం ఆధారం ఈ సినిమా తీస్తున్నారు. ఇందులో వేశ్య పాత్రలో కనిపించనుంది ముద్దుగుమ్మ ఆలియా. ప్రముఖ దర్శకుడు సంజయ్ లీలా భన్సాలీ తెరకెక్కిస్తున్నాడు. ఇప్పటికే వచ్చిన ఫస్ట్లుక్స్.. చిత్రంపై అంచనాల్ని పెంచుతున్నాయి.
ఇదీ చూడండి : 'గంగూబాయ్' పాత్రలో మెప్పిస్తోన్న ఆలియా
