గతేడాది సంక్రాంతి బరిలో నిలిచి బాక్సాఫీస్ వద్ద వసూళ్ల వర్షం కురిపించింది 'ఎఫ్ 2'. ఈ చిత్రాన్ని వెంకటేష్, వరుణ్ తేజ్‌లతో దర్శకుడు అనిల్ రావిపూడి తెరకెక్కించాడు. కామెడీ ప్రధానంగా రూపొందిన ఈ సినిమా ప్రేక్షకుల్ని నవ్వుల్లో ముంచెత్తింది. ఈ ఎంటర్‌టైన్‌మెంట్‌ను అక్కడితో ఆపకుండా ఇంకా వినోదం పంచాలనుకుంటున్నాడు దర్శకుడు అనిల్. ఇందుకు సీక్వెల్‌గా 'ఎఫ్ 3'ని తెరకెక్కిస్తున్నట్లు ఇప్పటికే ప్రకటించాడు.
తాజాగా ఈరోజు (ఆదివారం) వెంకీ పుట్టినరోజు సందర్భంగా ఫస్ట్లుక్తో పాటు ఓ వీడియోను విడుదల చేసింది చిత్రబృందం. "సమస్య డబ్బులు అయినప్పుడు మరి ఫన్ పీక్స్లోనే ఉంటుందిగా.. అంతేగా అంతేగా" అంటూ క్యాప్షన్ ఇస్తూ ట్వీట్ చేశాడు అనిల్ రావిపూడి.
- " class="align-text-top noRightClick twitterSection" data="">
'ఫన్, ఫ్రస్టేషన్, మోర్ ఫన్' అనే క్యాప్షన్తో ఈ చిత్రం తెరకెక్కనుంది. దేవీ శ్రీ ప్రసాద్ సంగీతం అందిస్తుండగా తమన్నా, మెహరీన్ హీరోయిన్లుగా నటిస్తున్నారు. త్వరలోనే షూటింగ్ ప్రారంభమవనుంది.
