ప్రభాస్, శ్రద్ధా కపూర్ జంటగా నటించిన చిత్రం 'సాహో'. ఆగస్టు 30న ప్రేక్షకుల ముందుకొచ్చిన ఈ సినిమా బాక్సాఫీస్ వద్ద దూసుకెళ్తోంది. విడుదలైన రెండు రోజుల్లోనే ప్రపంచవ్యాప్తంగా రూ. 205 కోట్ల గ్రాస్ వచ్చిందని చిత్ర నిర్మాణ సంస్థ తెలిపింది.
ఉత్తర భారత్లో మొదటి రోజు రూ. 24.40 కోట్లు వసూలు చేసిన ఈ సినిమా రెండో రోజూ అదే జోరు చూపించింది. శనివారం రూ. 25.20 కోట్లు సాధించింది. మొత్తం రెండు రోజుల్లోనే బాలీవుడ్లో రూ. 49.60 కోట్లు సాధించింది. మొత్తంగా వీకెండ్లో రూ. 60 కోట్లకు పైగా సాధించే అవకాశం ఉందని ట్రేడ్ పండితులు అంటున్నారు.
తెలుగు రాష్ట్రాల్లోనూ 'సాహో' వసూళ్ల వర్షం కురిపిస్తోంది. ముఖ్యంగా నైజాంలో భారీ కలెక్షన్లు సాధిస్తోంది. ఈ ఏరియాలో రెండో రోజు 5.70 కోట్లు సాధించి రెండు రోజుల్లో 15.10 కోట్లు వసూలు చేసింది. మొదటి రోజు 10 కోట్ల వరకు సాధించిందని అంచనా.
ఇవీ చూడండి.. 'సాహో' వసూళ్ల సునామీ.. తొలిరోజే సెంచరీకి మించి
