దిశ అత్యాచార నిందితులను పోలీసులు ఎన్కౌంటర్ చేయడంపై రాష్ట్రవ్యాప్తంగా హర్షధ్వానాలు వినిపిస్తున్నాయి. ప్రజలు, రాజకీయనాయకులు, సినీ తారలు, ప్రముఖులు ఈ విషయంపై స్పందించారు. ఇదే అసలైన న్యాయం అంటూ భావోద్వేగభరితమైన వ్యాఖ్యలు చేశారు. అయితే ఈ ఘటనను సినిమాల్లో వాడుకోవాలని భావిస్తున్నారట కొందరు. ప్రస్తుతం దిశ ఎపిసోడ్ని బాలకృష్ణ కొత్త చిత్రంలో వాడుకోబోతున్నట్లు సమాచారం. బోయపాటి దర్శకత్వంలో తెరకెక్కనున్న ఈ మూవీలో ఈ సీన్ను పెడుతున్నట్లు తెలుస్తోంది.
వీరిద్దరి కాంబినేషన్లో వచ్చిన 'సింహా' చిత్రంలో మహిళలపై యాసిడ్ దాడి ఘటనకు సంబంధించిన ఎపిసోడ్ పెట్టాడు బోయపాటి. ఇక 'లెజెండ్‌'లో అమ్మాయిలను పురిటిలోనే చంపే వారికి బుద్ధి చెప్పే సీన్ చూపించాడు. ఇప్పుడు మరో కొత్త సినిమాతో ప్రేక్షకుల ముందుకు రాబోతున్నాడు. ఈ మూవీలోనే బోయపాటి దిశ ఎపిసోడ్ను ప్లాన్ చేస్తున్నట్లు వార్తలు వినిపిస్తున్నాయి.
బాలకృష్ణ హీరోగా కేఎస్ రవికుమార్ దర్శకత్వంలో రూపొందిన 'రూలర్' ఈనెల 20న విడుదల కానుంది. ప్రస్తుతం బోయపాటి-బాలయ్య కాంబినేషన్లో వస్తోన్న మూవీ శుక్రవారం పూజా కార్యక్రమాలు జరుపుకొంది. వచ్చే ఏడాది ప్రారంభంలో రెగ్యులర్ షూటింగ్ ప్రారంభంకానుంది.
- " class="align-text-top noRightClick twitterSection" data="">
