తెలుగులో విజయవంతమైన పలు చిత్రాలు హిందీలో రీమేక్ అవుతున్నాయి. అందులో ప్రభాస్-రాజమౌళి కాంబోలో వచ్చిన 'ఛత్రపతి' కూడా ఉంది. అక్కడ బెల్లంకొండ సాయి శ్రీనివాస్ కథానాయకుడిగా నటిస్తుండగా, వి.వి.వినాయక్ దర్శకత్వం వహిస్తున్నారు. ఇందులో హీరోయిన్గా దిశాపటానీ దాదాపు ఖాయమైనట్టే అని బాలీవుడ్ వర్గాలు చెబుతున్నాయి.
ఈ సినిమా కోసం జాన్వీ కపూర్తోపాటు పలువురు భామల పేర్లు ప్రచారంలోకి వచ్చినా, ఆ అవకాశం దిశా పటానీ సొంతమైనట్టు సమాచారం. దిశా హిందీతోపాటు తెలుగు ప్రేక్షకులకు పరిచయమే. పూరీ జగన్నాథ్ 'లోఫర్' సినిమాతో ఆమె తెలుగులో సందడి చేసింది.
