బాలీవుడ్ నటి దియా మీర్జా.. వేదికపై మాట్లాడుతూ ఒక్కసారిగా కన్నీటి పర్యంతమైంది. జైపుర్లో జరుగుతున్న లిటరేచర్ ఫెస్టివల్లో భాగంగా వాతావరణ మార్పుల అంశం గురించి మాట్లాడుతున్న సమయంలో ఇది జరిగింది. ఆ తర్వాత తను కన్నీరు పెట్టాడానికి గల కారణాన్ని వెల్లడించింది.
"నిన్న(ఆదివారం) అంతా బాగానే గడిచింది. కానీ ప్రముఖ ఎన్బీఏ బాస్కెట్బాల్ ప్లేయర్ కోబ్ మరణించాడని, వేకువజామున 3 గంటల సమయంలో నా ఫోన్కు న్యూస్ అలర్ట్ వచ్చింది. హెలికాప్టర్ ప్రమాదంలో చనిపోయాడనే వార్త నన్ను కలచివేసింది. నిజంగా చాలా బాధ అనిపించింది. వివిధ రోజుల్లో వివిధ సందర్భాలు మన మూడ్ పాడుచేస్తుంటాయి. కానీ మనల్ని మనం నియంత్రించుకోవాలి. రక్తపోటులో కొంచెం హెచ్చుతగ్గులున్నాయి కాబట్టి ఇప్పుడు నన్ను నేను అదుపు చేసుకోలేకపోయాను" -దియా మీర్జా, నటి
బాస్కెట్బాల్ క్రీడాకారుడు కోబ్ బ్రాయంట్తో పాటు అతడి కూతురు జియానా హెలికాప్టర్ ప్రమాదంలో ఆదివారం మరణించారు. ప్రపంచవ్యాప్తంగా ఉన్న పలు రంగాలకు చెందిన ప్రముఖులు సోషల్ మీడియా వేదికగా కోబ్కు సంతాపం ప్రకటించారు.
