జేమ్స్బాండ్.. అంటే ప్రపంచవ్యాప్తంగా విపరీతమైన క్రేజ్. ఇప్పటివరకు 24 జేమ్స్బాండ్ చిత్రాలొచ్చాయి. ప్రస్తుతం 25వ సినిమా తెరకెక్కుతోంది.
ఈ చిత్రానికి దర్శకత్వం వహించాల్సిన డానీ బాయిల్ గతేడాది ఆగస్టులో తప్పుకున్నాడు. ఆయనతో పాటు రచయత జాన్ హాడ్జ్ సైతం చిత్రం నుంచి వైదొలిగారు.
తాజాగా ఈ విషయంపై స్పందించారు బాయిల్. బాండ్ సినిమా నుంచి తప్పుకోవడానికి కారణం నిర్మాతలతో కలిగిన భేదాభిప్రాయలేనని స్పష్టం చేశారు.
"సినిమా కోసం నేను, జాన్హాడ్జ్ (రచయిత) బాగా కష్టపడ్డాము. ఈ భాగస్వామ్యం ఇలాగే ఉండాలనుకున్నాను. కానీ నిర్మాతలతో భేదాభిప్రాయాలు ఏర్పడ్డాయి. ఇంక విడిపోక తప్పలేదు. కానీ ఆ పూర్తి సంఘటన అలా జరిగి ఉండాల్సింది కాదు."
-- డానీ బాయిల్ , హాలీవుడ్ దర్శకుడు.
బాయిల్ స్థానంలో ట్రూ డిటెక్టివ్, మేనియాక్ సినిమాలను తెరకెక్కించిన కేరీ జోజి దర్శకత్వం వహిస్తున్నాడు. చిత్ర షూటింగ్ 2018 డిసెంబర్లో ప్రారంభమైంది. వచ్చే ఏడాది ఏప్రిల్లో ప్రేక్షకుల ముందుకు రానుంది.
