మెగాస్టార్ చిరంజీవి నటించిన 'ఆచార్య' సినిమా షూటింగ్ దాదాపు పూర్తి చేసుకుని విడుదలకు సిద్ధంగా ఉంది. ఈ మూవీ అనంతరం మోహన్ రాజా దర్శకత్వంలో 'లూసిఫర్' రీమేక్లో నటించనున్నారు చిరు. ఈ చిత్రానికి 'గాడ్ ఫాదర్' అనే టైటిల్ దాదాపుగా ఖరారైంది. ఇవేగాక బాబీ, మెహర్ రమేష్ డైరెక్షన్లో నెక్ట్స్ ప్రాజెక్టులకు ఇప్పటికే గ్రీన్ సిగ్నల్ ఇచ్చారు. కాగా, ఈ నెలలోనే చిరు పుట్టినరోజు కూడా ఉంది. దానికి ముందే అభిమానులకు సర్ప్రైజ్ ఇచ్చారు చిరంజీవి. తన లేటెస్ట్ లుక్తో ఫొటోషూట్ నిర్వహించారు. ఇది 'లూసిఫర్' రీమేక్ కోసమేనని అంతా అనుకుంటున్నారు. ఏది ఏమైనా ఈ ఫొటోలు మాత్రం నెట్టింట వైరల్గా మారాయి.
ఈ ఫొటోల్లో స్లిమ్గా కనిపించి ఆశ్చర్యపరిచారు చిరు. టీషర్ట్ ధరించిన ఆయన లుక్ అదిరిపోయిందంటూ కామెంట్లు చేస్తున్నారు నెటిజన్లు. ఆరు పదుల వయసులోనూ ఫిట్నెస్తో అదరగొడుతున్నారంటూ వ్యాఖ్యలు చేస్తున్నారు.
ఇదీ చదవండి:మళ్లీ సెట్లోకి శ్రీవిష్ణు.. 'దెయ్యాలున్నాయా' ప్రారంభం
