బాలీవుడ్లోని ప్రముఖ దర్శక-నిర్మాత కరణ్ జోహార్.. తొలిసారి నిర్మిస్తున్న హారర్ సినిమా 'భూత్: ద హంటింగ్ షిప్'. 'ఉరి' ఫేమ్ విక్కీ కౌశల్ హీరోగా, భూమి ఫెడ్నేకర్ హీరోయిన్గా నటిస్తున్నారు. ఈరోజు(సోమవారం) ట్రైలర్ను విడుదల చేశారు. ఆద్యంతం భయపెడుతూ, చిత్రంపై ఆసక్తి రేపుతోంది.
పృథ్వీ అనే ఓ సర్వేయింగ్ అధికారికి పై అధికారులు.. ముంబయి తీర ప్రాంతంలో ఆగిపోయిన 'సీ బర్డ్' అనే ఓడను పరిరక్షించాల్సిన బాధ్యతను అప్పగిస్తారు. అందులో జనసంచారం లేకపోవడం వల్ల దానిని హంటింగ్ షిప్ అని పిలుస్తుంటారు. ఆ ఓడ వల్ల పృథ్వీకి ఎలాంటి అనుభవాలు ఎదురయ్యాయి? తర్వాత ఏం జరిగింది? అనేదే చిత్ర కథ.
ఈ సినిమాకు భాను ప్రతాప్ సింగ్ దర్శకత్వం వహించాడు. ధర్మ ప్రొడక్షన్స్ నిర్మిస్తుంది. ఈనెల 21 నుంచి థియేటర్లలో ప్రేక్షకులను భయపెట్టనుందీ చిత్రం.
- " class="align-text-top noRightClick twitterSection" data="">
