'సోగ్గాడే చిన్నినాయనా'కు(Nagarjuna movies) కొనసాగింపుగా రూపొందుతున్న చిత్రం బంగార్రాజు. నాగ్‌కు జోడీగా రమ్యకృష్ణ, నాగచైతన్యకు జోడీగా కృతిశెట్టి ఇందులో నటిస్తున్నారు. కల్యాణ్‌కృష్ణ కురసాల దర్శకత్వం వహిస్తున్నారు. ఈ చిత్రంలో నటిస్తున్న నాగలక్ష్మి అనే కీలక ప్రాతను ఈ నెల 18న విడుదల చేయనున్నట్లు చిత్ర బృందం తెలిపింది.
ఈ చిత్రాన్ని అక్కినేని నాగార్జున(Akkineni Nagarjuna movies).. జీ స్టూడియోస్‌తో కలిసి నిర్మిస్తున్నారు. సంక్రాంతి లక్ష్యంగా ముస్తాబవుతోంది. ఇందులో నాగార్జున, నాగచైతన్య కలిసి నటిస్తుండడం ఆసక్తిని రేకెత్తిస్తోంది. రావు రమేష్‌, చలపతిరావు, బ్రహ్మాజీ, వెన్నెల కిశోర్‌, ఝాన్సీ తదితరులు నటిస్తున్న ఈ చిత్రానికి అనూప్‌ రూబెన్స్‌ సంగీతం అందిస్తున్నారు.
ఓటీటీలో 'రొమాంటిక్'
ఆకాష్‌ పూరీ, కేతికా శర్మ జంటగా అనిల్‌ పాదూరి దర్శకత్వం వహించిన చిత్రం 'రొమాంటిక్'(romantic movie release date). పూరీ కనెక్ట్స్‌ పతాకంపై పూరీ జగన్నాథ్‌, ఛార్మి సంయుక్తంగా నిర్మించారు. రమ్యకృష్ణ కీలక పాత్ర పోషించగా, సునీల్‌ కశ్యప్‌ స్వరాలు సమకూర్చారు. ఈ సినిమాను నవంబర్ 26న ఓటీటీలో విడుదల చేయనున్నట్లు చిత్ర బృందం వెల్లడించింది.
'నయీం డైరీస్' ట్రైలర్ రిలీజ్..
గ్యాంగ్స్టర్ నయీం జీవితం ఆధారంగా తెరకెక్కిన 'నయీం డైరీస్' చిత్ర ట్రైలర్ విడుదలైంది. దర్శకుడు సంపత్ నంది చేతుల మీదుగా ట్రైలర్ను రిలీజ్ చేశారు. ఈ చిత్రానికి దాము బాలాజీ దర్శకత్వం వహించగా వశిష్ఠ సింహా ప్రధాన పాత్రలో నటించారు. నిజ జీవిత కథ ఆధారంగా తెరకెక్కుతున్న సినిమా కాబట్టి ప్రేక్షకుల్లో భారీ అంచనాలు ఉన్నాయి.
- " class="align-text-top noRightClick twitterSection" data="">
'శశివదనే' షూటింగ్ షురూ..
కోమలీ ప్రసాద్, రక్షిత్ అట్లూరి జంటగా నటించిన 'శశివదనే' చిత్రం షూటింగ్ ప్రారంభమైంది. దర్శకుడు మారుతి క్లాప్ కొట్టి చిత్రీకరణను ప్రారంభించారు. రామానాయుడు స్టూడియోస్లో పూజా కార్యక్రమాలు నిర్వహించి షూటింగ్ను మొదలుపెట్టారు. ఉబ్బన సాయి మోహన్ దర్శకత్వం వహిస్తున్న ఈ మూవీని అహితేజ నిర్మిస్తున్నారు. కులం మధ్య ప్రేమ ఎలా గెలిచిందనేదే ఈ సినిమా కథాంశం. ఇప్పటికే విడుదలైన సినిమా టీజర్ ప్రేక్షకులను మెప్పించింది.
ఇదీ చదవండి:మైక్ టైసన్తో 'లైగర్'.. 'మోస్ట్ ఎలిజిబుల్ బ్యాచ్లర్' ఓటీటీ ట్రైలర్
