రజినీకాంత్ దర్బార్ చిత్రంలో బాలీవుడ్ నటుడు విలన్గా నటించనున్నాడు. హిందీలో 'ఏక్ దివానా థా', 'ధోబీఘాట్' సినిమాల ద్వారా గుర్తింపు తెచ్చుకున్న ప్రతీక్ బబ్బర్.. తాజాగా 'దర్బార్' చిత్రంలో చాన్స్ కొట్టేశాడు. ఏ ఆర్ మురుగదాస్ దర్శకత్వం వహిస్తున్న ఈ సినిమాలో నయనతార హీరోయిన్.
ఈ చిత్రంలో రజినీ 25 ఏళ్ల తర్వాత పోలీస్గా కనిపించనున్నాడు. తొలిసారిగా సూపర్స్టార్, ఏ ఆర్ మురుగదాస్లతో నటించబోతున్నందుకు ఆనందంగా ఉందని తెలిపాడు ప్రతీక్.
"ఇంత తక్కువకాలంలో నా కల నిజమౌతుందని అనుకోలేదు. రజినీకాంత్, ఏ ఆర్ మురుగదాస్లతో కలిసి పనిచేయడానికి ఎంతో ఉత్సుకతతో ఎదురుచూస్తున్నాను" -ప్రతీక్ బబ్బర్, బాలీవుడ్ నటుడు.
'దర్బార్' సినిమానే కాకుండా నితీశ్ తివారీ చిచ్ఛోరే, మహేశ్ మంజ్రేకర్ పవర్, అనుభవ్ సిన్హా 'అబి తో పార్టీ షురూ హుయీ హై' సినిమాల్లోనూ నటిస్తున్నాడు ప్రతీక్. లైకా ప్రొడక్షన్స్ నిర్మాణంలో తెరకెక్కుతున్న 'దర్బార్' చిత్రం 2020 సంక్రాంతికి ప్రేక్షకుల ముందుకు రానుంది.
