దక్షిణాదిలో పలు భాషల్లో సినిమాలు చేస్తూ గుర్తింపు తెచ్చుకున్న హీరోయిన్ అమలాపాల్. నెట్ఫ్లిక్స్లో గతవారం విడుదలైన 'పిట్టకథలు' అంతాలజీతో ప్రేక్షకుల్ని పలకరించింది. గతంలో దర్శకుడు ఏఎల్ విజయ్ నుంచి విడాకులు తీసుకున్న సమయంలో ఎదురైన అనుభవాల్ని ఇటీవల జరిగిన ఓ ఇంటర్వ్యూలో వెల్లడించింది.
"విజయ్ నుంచి విడాకులు తీసుకున్నప్పుడు నాకు ఎవరు అండగా నిలబడలేదు. అప్పుడు కొందరు నన్ను భయపెట్టాలని చూశారు. ఆ సమయంలో నా ఆరోగ్యం, మానసిక పరిస్థితి గురించి కనీసం ఎవరూ పట్టించుకోలేదు" అని అమలాపాల్ ఆవేదన వ్యక్తం చేసింది.
2014లో విజయ్-అమలాపాల్ పెళ్లి చేసుకోగా, 2017లో వ్యక్తిగత కారణాలతో విడాకులు తీసుకున్నారు. వీరిద్దరూ గతంలో 'నాన్న' సినిమా కోసం కలిసి పనిచేశారు.
