ఆలస్యంగా 'కేజీఎఫ్​ 2' .. 'పుష్ప' టీమ్​కు బన్నీ సూచనలు!

Alluarjun Pushpa 2, Yash KGF 2 cinema updates: కన్నడ స్టార్​ యశ్ నటించిన 'కేజీఎఫ్​ 2' మళ్లీ వాయిదా పడే అవకాశాలు కనిపిస్తున్నాయి. కాగా, 'పుష్ప 2' విషయంలో చిత్రబృందానికి హీరో అల్లుఅర్జున్​ కొన్ని సూచనలు చేశారట.

YaSH KGF 2 Movie postpone: ప్రస్తుతం భారతీయ సినీ ప్రేక్షకులు ఎంతో ఆసక్తికగా ఎదురు చూస్తున్న చిత్రాల్లో ‘కేజీయఫ్‌ 2 ఒకటి. యశ్‌ కథానాయకుడిగా ప్రశాంత్‌ నీల్‌ దర్శకత్వంలో తెరకెక్కిన ‘కేజీయఫ్‌: చాప్టర్‌-1’కు కొనసాగింపుగా ఈ సినిమా తెరకెక్కింది. ఇప్పటికే చిత్రీకరణ పూర్తి చేసుకున్న ఈ సినిమాను వేసవి కానుకగా ఏప్రిల్‌ 14న ప్రేక్షకుల ముందుకు తీసుకురానున్నట్లు చిత్ర బృందం ప్రకటించింది. మరోవైపు తమిళ నటుడు విజయ్ ‘బీస్ట్‌’, షాహిద్‌ కపూర్‌ ‘జెర్సీ’ చిత్రాలు కూడా ఏప్రిల్‌ 14నే విడుదల చేస్తామని ఆయా చిత్ర బృందాలు తెలిపాయి. ఈ క్రమంలో బాక్సాఫీస్‌ వద్ద త్రిముఖ పోరు తప్పదని అందరూ అనుకున్నారు. ఈ క్రమంలో ఓ వార్త యశ్‌ అభిమానులను నిరాశకు గురి చేస్తోంది. ‘కేజీయఫ్‌2’ వాయిదా పడే అవకాశం ఉన్నట్లు తాజాగా కన్నడనాట టాక్‌ వినిపిస్తోంది.

ఇంతకీ ఏం జరిగిందటే..

‘కేజీయఫ్‌2’లో యశ్‌ ఇంట్రో సాంగ్‌ అనుకున్న స్థాయిలో రాలేదని దర్శకుడు ప్రశాంత్‌నీల్‌ భావిస్తున్నారట. దీంతో ఆ సాంగ్‌ను మళ్లీ షూట్‌ చేద్దామనుకుంటున్నారట. ఇందుకు సంబంధించి హైదరాబాద్‌లో 5 రోజుల పాటు షెడ్యూల్‌ ప్లాన్‌ చేసినట్లు తెలుస్తోంది. దీంతో నిర్మాణానంతర కార్యక్రమాలు ఆలస్యమవుతాయని అంటున్నారు. అభిమానులు మాత్రం అనుకున్న తేదీకే సినిమా వస్తుందని ఆశగా ఎదురు చూస్తున్నారు. దీనిపై చిత్ర బృందం అధికారికంగా స్పందించాల్సి ఉంది. మరోవైపు ఈ చిత్రం ప్రతినాయకుడు అధీర పాత్రలో బాలీవుడ్‌ నటుడు సంజయ్‌ దత్‌ కనిపించనున్నారు. ఇటీవలే ఆయన తన డబ్బింగ్‌ను కూడా పూర్తి చేశారు.

• " class="align-text-top noRightClick twitterSection" data="">

ఆ తప్పు మళ్లీ చేయొద్దంటూ

Alluarjun pushpa 2 movie update: 'పుష్ప' చిత్రంతో పాన్‌ ఇండియా స్థాయిలో క్రేజ్‌ను సొంతం చేసుకున్నారు అల్లు అర్జున్‌ . సుకుమార్‌ దర్శకత్వంలో తెరకెక్కిన ఈ సినిమా బాక్సాఫీస్‌ వద్ద భారీ విజయాన్ని అందుకుంది. ఇప్పుడు అదే ఉత్సాహంతో ‘పుష్ప2’ కోసం రంగంలోకి దిగుతున్నారు. ఇప్పటికే రెండో భాగానికి సంబంధించిన పనులను చిత్ర బృందం వేగవంతం చేసింది. ఈ క్రమంలో అల్లు అర్జున్‌ పలు సూచనలు చేశారట. ముఖ్యంగా ‘పుష్ప: ది రైజ్’ షూట్‌ అనుకున్న దానికంటే ఆలస్యమైన సంగతి తెలిసిందే. దీని వల్ల అనుకున్న స్థాయిలో ప్రచారం కూడా చేయలేకపోయారు. ప్రీరిలీజ్‌ వేడుకకు దర్శకుడు సుకుమార్‌ సైతం హాజరు కాలేకపోయారు. ఈ సారి మాత్రం ఆ తప్పును మళ్లీ చేయొద్దని బన్నీ సూచించారట. వీలైనంత త్వరగా షూటింగ్‌ను పూర్తి చేసి, ప్రచార కార్యక్రమాలకు ఎక్కువ సమయం ఉండేలా చూసుకోవాలని చిత్ర బృందానికి చెప్పారట. అందుకు అనుగుణంగా షూటింగ్‌ షెడ్యూల్స్‌, ఇతర నటీనటుల డేట్స్‌ను లాక్‌ చేసే పనిలో ఉన్నారు.

• " class="align-text-top noRightClick twitterSection" data="">

ఇదీ చూడండి: బాత్​టబ్​ బ్యూటీస్.. ఆలియా నుంచి సన్నీ లియోనీ వరకు!