Sanjay leela Bhansali Alluarjun movie: బాలీవుడ్ ప్రముఖ దర్శకుడు సంజయ్ లీలా భన్సాలీ-ఐకాన్ స్టార్ అల్లుఅర్జున్ కలిసి సినిమా చేయబోతున్నారా? అంటే అవుననే అనుకుంటున్నారు అభిమానులు. సోమవారం ముంబయిలోని సంజయ్ కార్యాలయంలో ఆయన్ను బన్నీ కలవడమే ఇందుకు కారణం. ప్రస్తుతం దీనికి సంబంధించిన వీడియో నెట్టింట్లో వైరల్గా మారింది. వీరిద్దరి భేటీ ప్రస్తుతం చిత్రసీమలో హాట్టాపిక్గా మారింది. భవిష్యత్లో సినిమా చేసేందుకే వీరు కలిశారా? లేదా ఇంకేమైనా అయి ఉంటుందా? అని ఫ్యాన్స్ ఆరా తీయడం ప్రారంభించారు.
కాగా, 'పుష్ప' మూవీతో దేశవ్యాప్తంగా సంచలనం సృష్టించారు ఐకాన్ స్టార్ అల్లుఅర్జున్. 'తగ్గేదే లే' అంటూ ఒక్క డైలాగ్తో పాన్ ఇండియా స్టార్గా మారిపోయారు. ఆయన మేనరిజానికి ఫ్యాన్స్ ఫిదా అయిపోయారు. గతేడాది డిసెంబరు 17న ప్రపంచవ్యాప్తంగా విడుదలైన ఈ చిత్రం సూపర్హిట్ను అందుకుంది. బాక్సాఫీస్ ముందు రికార్డు స్థాయిలో కలెక్షన్లను అందుకుంది. ప్రస్తుతం బన్నీ 'పుష్ప' రెండో భాగంలో నటిస్తున్నారు. అయితే ఈ భారీ విజయంతో ఆయనకు బడా ఆఫర్లు వరుసగా క్యూ కడుతున్నాయట. ఆయన కూడా ఇకపై తన తదుపరి సినిమాలన్నీ పాన్ ఇండియా స్థాయిలోనే రూపొందించాలని దృష్టి పెట్టారట! ఈ క్రమంలోనే బన్నీ తాజాగా ప్రముఖ బాలీవుడ్ దర్శకుడు సంజయ్ లీలా భన్సాలీ ని కలవడం వల్ల చిత్రసీమలో ప్రాధాన్యత సంతరించుకుంది.
సంజయ్ లీలా భన్సాలీకి సినిమాలను రూపొందించడంలో ప్రత్యేక శైలి ఉంది. ఇటీవలే ఆయన తెరకెక్కించిన గంగూబాయ్ కతియావాడి' ప్రేక్షకుల ముందుకు వచ్చి సూపర్హిట్ను అందుకుంది.
ఇదీ చూడండి: ఆలియా 'బ్రహ్మాస్త్ర' గ్లింప్స్.. 'అర్జున కళ్యాణానికి' ముహూర్తం ఫిక్స్
