బాలీవుడ్ హీరో అక్షయ్ కుమార్ వరుసగా సినిమాలు చేస్తుంటారు. అలాంటిది కరోనా రావడం వల్ల అతడు పూర్తి చేసిన చిత్రాలు కూడా విడుదల కాకుండా ఆగిపోయాయి. ఇటీవల కొవిడ్ సెకండ్ వేవ్ ప్రభావంతో చాలా సినిమాలు ఓటీటీలను ఆశ్రయిస్తున్నాయి. ఈ నేపథ్యంలో అక్కీ చిత్రాలు రిలీజ్ డేట్ ఇదేనంటూ పలు వార్తలు వస్తున్నాయి. ఈ క్రమంలోనే వీటన్నింటిపై స్పష్టతనిస్తూ, శనివారం ఓ ప్రకటన రిలీజ్ చేశారు.
"సూర్యవంశీ, బెల్బాటమ్ సినిమాల కోసం నా అభిమానులు ఓపిగ్గా ఎదురుచూస్తున్నందుకు గర్వంగా ఉంది. వాళ్లకు నేను మనస్ఫూర్తిగా థాంక్స్ చెబుతున్నాను. స్వాతంత్ర్య దినోత్సవం(ఆగస్టు 15) రోజు ఈ రెండు చిత్రాల వస్తాయనే విషయం కేవలం వదంతులు మాత్రమే. ఆ సినిమా నిర్మాతలు త్వరలో విడుదల తేదీలపై క్లారిటీ ఇస్తారు" అని అక్షయ్ కుమార్ పేర్కొన్నారు.
ఇది చదవండి: ప్రియమణి పాత్రకు ఎఫైర్?.. సీజన్ 2లో సమాధానం
