ప్రపంచ సుందరి ఐశ్వర్యరాయ్పై క్రష్ ఏర్పడకపోవడం చాలా కష్టమైన విషయమని అభిషేక్ బచ్చన్ చెప్పారు. 2007లో వీరిద్దరికి పెళ్లి జరిగింది. అయితే తను ఐష్ను చూడటం, ఇష్టపడటం, వివాహం చేసుకోవడం ఎలా, ఎప్పుడు జరిగింది లాంటి విషయాల గురించి ఇటీవల ఓ పాడ్కాస్ట్లో వెల్లడించారు అభిషేక్.
"ఐశ్వర్యను తొలిసారి కలిసినప్పుడు నేను ప్రొడక్షన్ బాయ్గా పనిచేస్తున్నాను. తొలిసారి మా ఇద్దరం స్విట్జర్లాండ్లో కలిశాం. నాన్న(అమితాబ్) తీసిన 'మృత్యదాత' చిత్రంలో బాబీ దేఓల్, ఐశ్వర్య జంటగా నటించారు. ఆ చిత్ర షూటింగ్ లోకేషన్స్ కోసం నన్ను స్విట్జర్లాండ్ వెళ్లాను. ఆ తర్వాత కొన్నిరోజులకు చిత్రీకరణ కోసం అక్కడికి వచ్చిన నా చిన్ననాటి స్నేహితుడు నన్ను డిన్నర్కు ఆహ్వానించాడు. అప్పుడే తొలిసారి ఐశ్వర్యను చూశాను. అనంతరం కొన్ని సినిమాలు మేం కలిసి చేసిన తర్వాత స్నేహం, ఆ తర్వాత కొన్నాళ్లకు పెళ్లి జరిగింది" అని అభిషేక్ వివరించారు.
2007లో పెళ్లి చేసుకున్న అభిషేక్-ఐశ్వర దంపతులకు కూతురు ఆరాధ్య ఉంది. ఈ జంట.. గురు, రావన్, సర్కార్ రాజ్, ఉమ్రో జాన్, ధూమ్ 2తో పాటు పలు సినిమాల్లో జంటగా నటించి ప్రేక్షకుల్ని అలరించారు.
