బాలీవుడ్ స్టార్ హీరో ఆమిర్ ఖాన్ తనయుడు జునైద్ ఖాన్.. సినిమాల్లో అరంగేట్రం చేద్దామన్న ఆశ నేరవేరడం లేదు. ఏడాది నుంచి అవకాశాల కోసం ఎదురుచూస్తున్నా.. ఒక్క చిత్రంలోనూ ఛాన్స్ రాలేదు. ఇప్పటివరకు అనేక ఆడిషన్స్లో పాల్గొన్నా.. అన్నింటిలో చేదు అనుభవమే ఎదురవుతోంది. తాజాగా మరో సినిమా అవకాశం జునైద్ కోల్పోయినట్లు సమాచారం.
మలయాళ చిత్రం 'ఇష్క్' హిందీ రీమేక్కు ఆ చిత్రనిర్మాణ సంస్థ సన్నాహాలు చేస్తోంది. ఈ చిత్రంలోని ప్రధానపాత్ర కోసం ఆడిషన్స్కు వెళ్లిన జునైద్కు చేదు అనుభవం ఎదురైంది. ఆ పాత్ర కోసం చిత్రబృందం అతడిని ఎంపిక చేయలేదని సమాచారం.
జునైద్కు కళలు, సినిమాలపై ఆసక్తి ఉన్నట్లు ఆమిర్ ఖాన్ గతంలో చెప్పాడు. అయితే తన కుమారుడు నటుడు కావాలా? లేదా? అనేది తానే నిర్ణయించుకుంటాడని స్పష్టం చేశాడు. జునైద్.. కొన్నేళ్లుగా నాటకాల్లోనూ ప్రదర్శనలిస్తూ వస్తున్నాడు.
ఇదీ చూడండి:ఆర్ఆర్ఆర్: 'రామరాజు ఫర్ భీమ్' టీజర్ వచ్చేసింది