ప్రపంచంలోనే భారీ పవర్ బ్యాంక్​.. టీవీలు, వాషింగ్ మెషిన్​లకూ...

World's Largest Power Bank: ప్రపంచంలోనే అతిపెద్ద పవర్​బ్యాంకును తయారు చేశారు చైనాకు చెందిన యూట్యూబర్ హాండీ జెంగ్. ఈ పవర్ బ్యాంకు 2 కోట్ల 70 లక్షల ఎంఏహెచ్​ సామర్థ్యం కలిగి ఉంది. మరి ఈ పవర్​ బ్యాంకు ప్రత్యేకతలేంటో తెలుసుకుందామా..?

World's Largest Power Bank: దూర ప్రయాణాలు చేసేటప్పుడు, ఒక్కోసారి మొబైల్​ ఛార్జింగ్ పెట్టుకోవడం మర్చిపోయినప్పుడు పవర్ బ్యాంకులు ఎంతగానో ఉపయోగపడతాయి. అయితే పవర్ బ్యాంకులు సాధారణంగా మొబైల్ ఫోన్​లు, ల్యాప్​టాప్​లకు ఛార్జింగ్ పెట్టుకునేంత పరిమాణంలోనే ఉంటాయి. కానీ చైనాకు చెందిన ఓ వ్యక్తి ప్రపంచంలోనే అతిపెద్ద పవర్​బ్యాంకును రూపొందించాడు. ఈ పవర్ బ్యాంకు 27,000,000 ఎంఏహెచ్​ సామర్థ్యం కలిగి ఉంది. అయితే ఈ పవర్​బ్యాంకును వ్యర్థాలతోనే తయారు చేశారట!

ప్రపంచంలోనే అతిపెద్ద పవర్ బ్యాంక్

చైనాకు చెందిన హాండీ జెంగ్ ఈ పవర్​ బ్యాంకును తయారు చేశారు. పవర్ బ్యాంకు ప్రత్యేకతలు, తయారీ విధానం.. ఇలా పూర్తి సమాచారన్ని వీడియోగా తీసి తన యూట్యూబ్ ఛానల్లో అప్​లోడ్ చేశారు జెంగ్​.

సాధారణ పవర్​బ్యాంక్​ లానే..

ఇతర పవర్​ బ్యాంక్​లానే ఇది కూడా ఉండేలా చాలా జాగ్రత్తలు తీసుకున్నారు జంగ్. గతంలో ఎలక్ట్రిక్ కార్లలో వినియోగించే బ్యాటరీ కంటే పెద్ద బ్యాటరీని ఈ పవర్​బ్యాంకులో అమర్చారు. ఎలక్ట్రిక్ వైర్లు, ఇతర పరికరాలు పైకి కనబడకుండా కింద నుంచి వైరింగ్ చేశారు.

ఈ పవర్ బ్యాంక్​కు 60 పోర్టులు

పవర్​బ్యాంకు అటూఇటూ తిరిగేందుకు వీలుగా అడుగు భాగంలో చక్రాలను అమర్చారు. దీంతో పవర్​బ్యాంకును ఎక్కడికైనా తీసుకెళ్లి వినియోగించుకోవచ్చు.

ఈ పవర్ బ్యాంకు పరిమాణం 5.9 అడుగుల పొడవు, 3.9 అడుగుల వెడల్పు.

ప్రత్యేకతలు ఏంటి..?

• ఈ పవర్ బ్యాంకు 27,000,000 ఎంఏహెచ్​ సామర్థ్యం కలిగి ఉంది.
• మొత్తం 60 పోర్టులు ఉన్నాయి.
• 3,000 ఎంఏహెచ్​ బ్యాటరీ సామర్థ్యం ఉన్న 5వేల మొబైల్ ఫోన్​లకు ఛార్జింగ్ చేసేంత సామర్థ్యం.
• ల్యాప్​టాప్స్, టాబ్లెట్స్, అంతేకాక టీవీలు, వాషింగ్ మెషిన్​లు, ఎలక్ట్రిక్ స్కూటర్లలకూ విద్యుత్ సరఫరా చేయవచ్చు.
• పవర్​బ్యాంకు అడుగుభాగంలో చక్రాలు అమర్చడం వల్ల ఎక్కడికైనా తీసుకెళ్లి ఛార్జింగ్ చేసుకోవచ్చు.

• " class="align-text-top noRightClick twitterSection" data="">

ఇదీ చూడండి: జీమెయిల్‌ అకౌంట్ లాక్​ అయిపోయిందా? ఇలా చేయండి!