లాక్డౌన్ ఆంక్షలు సడలింపుతో స్మార్ట్ఫోన్ తయారీదారులు కొత్త ఫోన్ల విడుదలకు సన్నాహాలు చేస్తున్నారు. అదిరిపోయే ఫీచర్లతో అద్భుతమైన స్మార్ట్ఫోన్లు త్వరలోనే మార్కెట్లో అందుబాటులోకి తీసుకురానున్నారు. వన్ప్లస్, వివో, పోకో సంస్థలు ఈ నెలలో తమ ఉత్పత్తులను భారతీయ వినియోగదారులకు పరిచయం చేయడానికి సిద్ధమయ్యాయి.
పోకో సంస్థ ఇప్పటికే తన కొత్త ఎం2 ప్రో సిరీస్ను జులై 7న విడుదల చేయనున్నట్లు ప్రకటించింది. వన్ప్లస్ సైతం త్వరలోనే తన నార్డ్ ఫోన్ను విపణిలో ప్రవేశపెట్టనుంది. వీటితో పాటు మరిన్ని అధునాత స్మార్ట్ఫోన్లు ఈ నెలలో విడుదలకు సిద్ధంగా ఉన్నాయి. అవేంటో చూసేద్దామా!
వన్ప్లస్ నార్డ్
వన్ప్లస్ సంస్థ తయారు చేసిన నార్డ్ను తొలుత భారత్లోనే విడుదల చేయనున్నట్లు తెలిపింది. తేదీ ప్రకటించకపోయినా.. ఇటీవల సంస్థ చేస్తున్న ప్రచారాన్ని బట్టి చూస్తే త్వరలోనే విపణిలోకి అందుబాటులోకి తీసుకొచ్చే అవకాశం ఉంది. నార్డ్ డిజైన్ సహా పలు కీలకమైన వివరాలు అమెజాన్ వెబ్సైట్లో అందుబాటులో ఉన్నాయి.
ప్రత్యేకతలు
- 5జీ సపోర్ట్
- వెనుక వైపు మూడు కెమెరాలు
- క్వాల్కమ్ స్నాప్డ్రాగన్ 765జీ ప్రాసెసర్
- ముందువైపు పంచ్హోల్ కెమెరా
పోకో ఎం2 ప్రో
జులై 7న పోకో సంస్థ సరికొత్త 'పోకో ఎం2 ప్రో'ను లాంచ్ చేయనుంది. శక్తిమంతమైన ఫీచర్లతో గేమింగ్ కోసం రూపొందించింది. లాంగ్ లాస్టింగ్ బ్యాటరీని ఇందులో అమర్చినట్లు టీజర్ను బట్టి తెలుస్తోంది. అయితే ఈ ఫోన్ పూర్తి స్పెసిఫికేషన్స్ గురించి సంస్థ ఎలాంటి వివరాలు ప్రకటించలేదు.
వివో ఎక్స్50 సిరీస్
భారత్లో అందుబాటులోకి రానున్న మరో ఆసక్తికరమైన ఫోన్ వివో ఎక్స్50 సిరీస్. అధికారికంగా విడుదల తేదీని ప్రకటించకపోయినప్పటికీ.. ఈ నెలలోనే ఫోన్లు అందుబాటులోకి వచ్చే అవకాశం ఉంది. చైనాలో మే నెలలోనే ఎక్స్50 సిరీస్ను విడుదల చేసింది వివో.
ఈ సిరీస్లో ఉండే స్మార్ట్ఫోన్లు
- వివో ఎక్స్50
- వివో ఎక్స్50 ప్రో
- వివో ఎక్స్50 ప్రో ప్లస్
అయితే భారత్లో ఈ మూడు ఫోన్లు విడుదల చేస్తుందో లేదో తెలియాల్సి ఉంది.
వివో ఎక్స్50, ఎక్స్50 ప్రో ఫీచర్లు
- 8జీబీ ర్యామ్
- 256జీబీ వరకు స్టోరేజీ సామర్థ్యం
- 6.56 అంగుళాల డిస్ప్లే
- స్నాప్ డ్రాగన్ 765జీ ప్రాసెసర్
- 4,200ఎంఏహెచ్ బ్యాటరీ
- 33వాట్ ఫాస్ట్ ఛార్జింగ్ సదుపాయం
- 90హెచ్జడ్ రీఫ్రెష్ రేటు
ఈ రెండు ఫోన్లకు ఉన్న ఒకే తేడా ఏంటంటే.. ప్రో వెర్షన్లో 8 మెగాపిక్సెల్ వైడ్ యాంగిల్ కెమెరా ఉంటుంది.
వివో ఎక్స్50 ప్రో ప్లస్
- ఈ మూడు మోడళ్లలో చాలా ఖరీదైనది ఇదే.
- 12జీబీ ర్యామ్
- క్వాల్కమ్ స్నాప్డ్రాగన్ 865 ప్రాసెసర్
- వెనకవైపు నాలుగు కెమెరాలు(50ఎంపీ, 32ఎంపీ, 13ఎంపీ, 13ఎంపీ)
- 120 హెచ్జడ్ రీఫ్రెష్ రేటు
- 44 వాట్ ఫాస్ట్ ఛార్జింగ్
రియల్మీ 6ఎస్
ఈ ఫోన్ ఎప్పుడు విడుదల చేస్తారనే విషయంపై రియల్మీ స్పష్టతనివ్వకపోయినా.. ఈ నెలలోనే మార్కెట్లోకి వచ్చే అవకాశం ఉందని తెలుస్తోంది. రియల్మీ 6ఐ స్మార్ట్ఫోన్నే ఇండియాలో 6ఎస్గా విడుదల చేయనున్నట్లు సమాచారం. ఇప్పటికే మయన్మార్లో 6ఐ అందుబాటులో ఉంది. ఈ ఫోన్ తరహాలోనే 6ఎస్ ఫీచర్లు ఉండనున్నట్లు మార్కెట్ విశ్లేషకులు భావిస్తున్నారు.
రియల్మీ 6ఐ ఫీచర్ల విషయానికొస్తే..
- 4జీబీ ర్యామ్, 64జీబీ స్టోరేజీ
- మీడియాటెక్ హీలియో జీ90టీ ఎస్ఓసీ ప్రాసెసర్
- 48ఎంపీ వెనక కెమెరా, 16 ఎంపీ సెల్ఫీ కెమెరా
- 4,300ఎంఏహెచ్ బ్యాటరీ, 30వాట్ ఫ్లాష్ ఛార్జింగ్
- 6.5 అంగుళాల ఫుల్ హెచ్డీ ప్లస్ డిస్ప్లే
- 90హెచ్ జడ్ రీఫ్రెష్ రేటు
శాంసంగ్ గెలాక్సీ ఎం10ఎస్
భారత మార్కెట్లోకి త్వరలోనే శాంసంగ్ తన కొత్త ఫోన్ను ప్రవేశపెట్టనుంది. 3జీబీ ర్యామ్తో ఈ ఫోన్ రానున్నట్లు తెలుస్తోంది. ధర రూ.10 వేలలోపు ఉండే అవకాశం ఉంది.
