చైనాకు చెందిన ప్రముఖ స్మార్ట్ఫోన్ తయారీ సంస్థ షియోమీ.. రెడ్మీ సిరీస్లో మరో మూడు ఫోన్లను మార్కెట్లోకి విడుదల చేసింది. రెడ్మీ నోట్-11, నోట్-11 ప్రో, నోట్ 11ప్రోమ్యాక్స్ ఫోన్లను ఓ ఆన్లైన్ కార్యక్రమం ద్వారా వినియోగదారులకు చైనాలోనే అందుబాటులోకి తెచ్చింది.
రెడ్మీ నోట్-11 5జీ ధర
చైనా మార్కెట్లో రెడ్మీ నోట్ 11 మోడల్‌ను 4జీబీ ర్యామ్-128 స్టోరేజ్, 6జీబీ ర్యామ్- 128 జీబీ స్టోరేజ్, 8జీబీ ర్యామ్- 128 జీబీ స్టోరేజ్, 8జీబీ ర్యామ్- 256 జీబీ స్టోరేజ్ ఇలా 4 వేరియంట్లలో అందుబాటులోకి తెచ్చింది. వీటి ధరలు వరుసగా 1,199 యువాన్లు(రూ.14,000), 1,299 యువాన్లు (రూ.16,400), 1,499 యువాన్లు (రూ.18,700), 1,699 యువాన్లుగా (రూ.21,100) నిర్ణయించింది. ఈ మోడల్ ఫోన్లు స్టైలిష్ డిజైన్లో.. షాలో డ్రీమ్ గెలాక్సీ, బ్లాక్ రీల్మ్, మిడ్నైట్ గ్రే వంటి మూడు రంగుల్లో లభించనున్నాయి.
ప్రత్యేకతలు
- 6.6 అంగుళాల ఫుల్‌హెచ్‌డీ డిస్ప్లే
- మీడియాటెక్‌ డైమెన్సిటీ 810 ప్రాసెసర్‌
- వెనుకవైపు 50 ఎంపీ ప్రధాన కెమెరా
- 16 ఎంపీ సెల్ఫీ కెమెరా
- 5,000 ఎంఏహెచ్‌ బ్యాటరీ
- 33 వాట్స్‌ ఫాస్ట్ ఛార్జింగ్ సపోర్ట్
రెడ్మీ నోట్ 11 ప్రో ధర..
ఈ ఫోన్ మూడు వేరియంట్లలో లభిస్తుంది. 6జీబీ ర్యామ్-128 స్టోరేజ్, 8జీబీ ర్యామ్- 128 జీబీ స్టోరేజ్, 8జీబీ ర్యామ్- 256 జీబీ స్టోరేజ్ ఫోన్లను అందుబాటులోకి తెచ్చింది.వీటి ధరలు వరుసగా 1,599 యువాన్లు(రూ.18,700), 1,899 యువాన్లు (రూ.23,300), 2,099 యువాన్లుగా (రూ.24,500) నిర్ణయించింది.
రెడ్మీ నోట్ 11 ప్రోమ్యాక్స్ ధర..
ఈ మోడల్ కూడా మూడు వేరియంట్లలో అందుబాటులో ఉంది. 6జీబీ ర్యామ్-128 స్టోరేజ్, 8జీబీ ర్యామ్- 128 జీబీ స్టోరేజ్, 8జీబీ ర్యామ్- 256 జీబీ స్టోరేజ్ ఫోన్లను అందుబాటులోకి తెచ్చింది. వీటి ధరలను వరుసగా 1,899 యువాన్లు(రూ.22,200), 2,099 యువాన్లు (రూ.24,500), 2,299 యువాన్లుగా (రూ.26,900) నిర్ణయించింది.
రెడ్మీ నోట్ 11 ప్రో, నోట్ 11 ప్రోమ్యాక్స్ ఫీచర్లు
ఈ రెండు ఫోన్లను బ్యాటరీ, ఫాస్ట్ ఛార్జింగ్ సపోర్ట్ మినహా.. దాదాపు ఒకే విధమైన ఫీచర్లతో అందుబాటులోకి తీసుకొచ్చింది షియోమీ. రెండు ప్రో మోడల్‌లు మిస్టీ ఫారెస్ట్, మిస్టీరియస్ బ్లాక్, షాలో డ్రీమ్ గెలాక్సీ, టైమ్ క్యూట్ పర్పుల్ రంగుల్లో లభించనున్నాయి.
రెడ్మీ నోట్-11 ప్రో ఫీచర్లు
- 6.67 అంగుళాల ఫుల్‌హెచ్‌డీ అమోల్డ్ డిస్ప్లే
- 120 హెర్జ్ రిఫ్రెష్ రేట్
- ఆక్టా-కోర్ మీడియాటెక్‌ డైమెన్సిటీ 920ఎస్ఓసీ ప్రాసెసర్‌
- వెనుకవైపు 108 ఎంపీ ప్రధాన కెమెరాతో కలిపి నాలుగు కెమెరాలు
- 16 ఎంపీ సెల్ఫీ కెమెరా
- 5,000 ఎంఏహెచ్‌ బ్యాటరీ
- 67 వాట్స్‌ ఫాస్ట్ ఛార్జింగ్ సపోర్ట్
రెడ్మీ నోట్-11 ప్రో మ్యాక్స్ ఫీచర్లు
- 6.67 అంగుళాల ఫుల్‌హెచ్‌డీ అమోల్డ్ డిస్ప్లే
- 120 హెర్జ్ రిఫ్రెష్ రేట్
- ఆక్టా-కోర్ మీడియాటెక్‌ డైమెన్సిటీ 920ఎస్ఓసీ ప్రాసెసర్‌
- వెనుకవైపు 108 ఎంపీ ప్రధాన కెమెరాతో కలిపి నాలుగు కెమెరాలు
- 16 ఎంపీ సెల్ఫీ కెమెరా
- 4,500 ఎంఏహెచ్‌ బ్యాటరీ
- 120 వాట్స్‌ ఫాస్ట్ ఛార్జింగ్ సపోర్ట్
ఈ ఫోన్లు చైనా మార్కెట్లో నవంబరు 1 నుంచి అందుబాటులో ఉండనున్నాయి. ఇతర దేశాల్లో ఎప్పుడు అందుబాటులోకి వస్తాయనేది స్పష్టత లేదు.
ఇదీ చూడండి: 'మెటావర్స్'... జిందగీ మొత్తం ఇక వర్చువల్ దునియాలోనే!
