Google Maps Fuel Saving Feature : గూగుల్ మ్యాప్స్ భారతదేశంలో తాజాగా 'ఫ్యూయెల్ సేవింగ్' ఫీచర్ను అందుబాటులోకి తెచ్చింది. ఈ ఎకో-ఫ్రెండ్లీ ఫీచర్ ఉపయోగించి, వాహనదారులు రద్దీ తక్కువ ఉన్న మార్గాల్లో ప్రయాణించి.. ఇంధనాన్ని చాలా వరకు ఆదా చేసుకోవచ్చు. అంటే ఆయిల్ ఖర్చులు కూడా బాగా తగ్గుతాయి.
గూగుల్ మ్యాప్స్ 2022 సెప్టెంబర్లోనే ఈ ఫ్యూయెల్ సేవింగ్ ఫీచర్ను యూఎస్, కెనడా, యూరోప్ దేశాల్లో అందుబాటులోకి తెచ్చింది. అక్కడ ఈ ఫీచర్ మంచి ఫలితాలు ఇవ్వడంతో.. తాజాగా భారతదేశంలోనూ దీనిని ప్రవేశపెట్టింది.
ఈ ఫీచర్ ఎలా పనిచేస్తుందంటే?
Eco Friendly Routing In Google Maps : వాహనదారులు ఇంధనాన్ని సేవ్ చేసుకోవాలనుకుంటే.. గూగుల్ మ్యాప్స్లో ఈ ఫ్యూయెల్ సేవింగ్ ఫీచర్ను ఎనేబుల్ చేసుకోవాలి. అప్పుడు మీ వాహనంలో ఉన్న ఇంజిన్ రకం ఆధారంగా.. వివిధ మార్గాల్లో ప్రయాణిస్తే ఎంత ఇంధనం లేదా శక్తి వినియోగం అవుతుందో గూగుల్ మ్యాప్స్ లెక్కవేస్తుంది. ఏ మార్గంలో ప్రయాణిస్తే.. తక్కువ ఇంధనం ఖర్చు అవుతుందో సూచిస్తుంది. దీని వల్ల మీకు ఆర్థికంగా లాభం కలుగుతుంది. పైగా పర్యావరణానికి కూడా హితం కలుగుతుంది.
ట్రాఫిక్లో ఇరుక్కుంటే..
వాస్తవానికి గూగుల్ మ్యాప్స్ రియల్-టైమ్ ట్రాఫిక్ అప్డేట్స్ను, రహదారి పరిస్థితులను అంచనా వేస్తుంది. ఒకవేళ మీరు ఏదైనా రద్దీగా ఉన్న ట్రాఫిక్లో ఇరుక్కుపోయుంటే.. వెంటనే ఈ ఫ్యూయెల్ సేవింగ్ ఫీచర్ను ఆపేయండి. అప్పుడు గూగుల్ మ్యాప్స్ మీకు రద్దీ లేని ఫాస్టెస్ట్ రూట్ను తెలియజేస్తుంది. దీని వల్ల కూడా మీ వాహనంలోని ఇంధనం ఆదా అవుతుంది.
ఫ్యూయెల్ సేవింగ్ ఫీచర్ను ఎనేబుల్ చేసుకోండిలా!
How To Activate Fuel Saving Feature In Google Maps :
- ముందుగా మీరు గూగుల్ మ్యాప్స్ ఓపెన్ చేసి, లాగిన్ అవ్వండి.
- మీ ప్రొఫైల్ ఐకాన్పై క్లిక్ చేసి, Settings ఓపెన్ చేయండి.
- Navigation ఆప్షన్ను సెలెక్ట్ చేసుకోండి. తరువాత..
- Route optionsపై క్లిక్ చేసి.. అందులో ఫ్యూయెల్ ఎఫీషియంట్ రూట్ ఆప్షన్ను ఎంచుకోండి.
- Engine type సెక్షన్లో మీ వాహనంలో ఏ టైప్ ఇంజిన్ ఉందో నమోదు చేయండి.
అంతే సింపుల్! ఇక అప్పటి నుంచి గూగుల్ మ్యాప్స్ మీ ఇంజిన్ కెపాసిటీని అనుసరించి మంచి ఫ్యూయెల్ ఎఫీషియన్సీ ఉన్న మార్గాలను చూపుతుంది.
వాహనానికి తగ్గట్లుగా సూచనలు!
How To Google Maps Fuel Efficient Route Turn On And Off : గూగుల్ మ్యాప్స్ తీసుకువచ్చిన ఈ ఫ్యూయెల్ సేవింగ్ ఫీచర్.. ఆయా వాహనాలకు అనుగుణంగా మంచి సూచనలు చేస్తుంది. ఉదాహరణకు పెట్రోల్, డీజిల్, హైబ్రీడ్ వాహనాలు.. ఎలక్ట్రిక్ మెషిన్తో నడిచే ఈవీ వెహికల్స్ ఉంటాయి. అందుకే ఫ్యూయెల్ సేవింగ్ ఫీచర్ అనేది ఆయా వాహనాలకు అనుగుణంగా సూచనలు చేస్తుంది.
హైబ్రీడ్, ఎలక్ట్రిక్ వాహనాలకు ఈ ఫ్యూయెల్ సేవింగ్ ఫీచర్ బాగా ఉపయోగపడుతుంది. ముఖ్యంగా కొండ ప్రాంతాల్లో, బాగా రద్దీగా ఉన్న సిటీల్లో.. సరైన మార్గాలను సూచించి.. మీ వాహనంలోని ఇంధనాన్ని లేదా పవర్ను ఆదా చేస్తుంది. దీని వల్ల మీపై.. ఆర్థిక భారం కూడా తగ్గుతుంది.
ఎలక్ట్రిక్ వాహనదారులకు ప్రత్యేక సూచన!
How To Use Google Maps Fuel Saving Feature In Electric Vehicles : ఈ గూగుల్ మ్యాప్స్ ఫ్యూయెల్ సేవింగ్ ఫీచర్లో డిఫాల్ట్గా పెట్రోల్ ఇంజిన్ సెలెక్ట్ అయ్యి ఉంటుంది. మీరు కనుక డీజిల్ లేదా హైబ్రీడ్ ఇంజిన్ వాహనాలను వాడుతుంటే.. దానిని మాన్యువల్గా మార్చుకోవాలి. అయితే ఈ ఫీచర్ ఎలక్ట్రిక్ వాహనాల ఛార్జింగ్ స్టేషన్లను తెలియజేయదు. కనుక గూగుల్ మ్యాప్స్ సూచించే ఈ రూట్లలో వెళ్లేటప్పుడు.. కచ్చితంగా మీ వాహనంలో సరిపడా ఛార్జింగ్ ఉందో, లేదో చెక్ చేసుకోవాలి. లేదా మీకు సదరు రూట్లో ఛార్జింగ్ స్టేషన్లు గురించి తెలిస్తేనే వెళ్లండి. లేకపోతే ఇబ్బంది తప్పదు.
'2040 నాటికి చంద్రుడిపైకి భారత వ్యోమగామి- 2025లో ఇండియన్ స్పేస్ స్టేషన్ ప్రారంభం!'
జీ-మెయిల్ ఎక్స్పర్ట్ అవ్వాలా? సింపుల్గా ఈ షార్ట్కట్స్ గురించి తెలుసుకోండి!
