Google Chrome Vulnerability : గూగుల్​ క్రోమ్ యూజర్లకు అలెర్ట్.. బ్రౌజర్​లో సెక్యూరిటీ లోపాలు గుర్తింపు.. అప్​డేట్ చేసుకోండిలా!

Google Chrome Vulnerability News In Telugu : కేంద్ర ప్రభుత్వ సంస్థ CERT-in గూగుల్​ క్రోమ్ యూజర్లను అలర్ట్​ చేసింది. క్రోమ్​లో కొన్ని సెక్యూరిటీ వల్నరబిలిటీస్​ను గుర్తించినట్లు వెల్లడించింది. దీంతో వినియోగదారుల సిస్టమ్ హ్యాక్​​ అయ్యే అవకాశం ఉందని.. వెంటనే క్రోమ్ యాప్ లేదా బ్రౌజర్​ను​ అప్​డేట్​ చేసుకోవాలని సూచించింది.

Google Chrome Vulnerability : గూగుల్​ క్రోమ్​ వినియోగదారులకు హెచ్చరికలు జారీ చేసింది కేంద్ర ప్రభుత్వ సంస్థ CERT-in. గూగుల్​ క్రోమ్​లో పలు సాఫ్ట్​వేర్​ విభాగాల్లో కొన్ని హైరిస్క్​ సెక్యూరిటీ వల్నరబిలిటీస్ కనుగొన్నట్లు తెలిపింది. ఇవి సైబర్​ నేరగాళ్లు సిస్టమ్​ను హ్యాక్​ చేసేందుకు అవకాశం కల్పిస్తాయని హెచ్చరించింది. క్రోమ్ బ్రౌజర్​ వాడేవారు వెంటనే దానిని అప్​డేట్​ చేసుకోవాలని కంప్యూటర్​ ఎమర్జెన్సీ రెస్పాన్స్​ టీం సూచించింది.

సెక్యూరిటీ లోపాలున్నాయ్​! కస్టమ్ ట్యాబ్స్​, వెబ్​పీ హీప్ బఫర్ ఓవర్‌ఫ్లో ఎర్రర్, ప్రాంప్ట్‌లు, ఇన్‌పుట్, ఇంటెంట్‌లు, ఇంటర్‌స్టీషియల్స్, పిక్చర్ ఇన్ పిక్చర్​లో సెక్యూరిటీ లోపాలను గుర్తించినట్లు కంప్యూటర్​ ఎమర్జెన్సీ రెస్పాన్స్​ టీం వెల్లడించింది. దాంతోపాటు డౌన్‌లోడ్స్​, ఆటోఫిల్‌ పాలసీలు సరిగ్గా అమలు కాలేదని వివరించింది. ఈ లోపాలు యూజర్​ సిస్టమ్‌ను హాక్​ చేసే అవకాశం కల్పిస్తాయని హెచ్చరించింది. సైబర్ నేరగాళ్ల నుంచి ఈ ప్రమాదాన్ని తప్పించుకునేందుకు వెంటనే గూగుల్ క్రోమ్​ను అప్​డేట్​ చేసుకోవాలని సూచించింది.

గూగుల్​ క్రోమ్​ అప్​డేట్​ చేసుకోండిలా!

• ముందుగా మీకు సంబంధించిన కంప్యూటర్​ లేదా ల్యాప్​టాప్​లో గూగుల్​ క్రోమ్​ బ్రౌజర్​ను ఓపెన్​ చేయండి.
• టూల్​బార్​లోని(Tool bar) త్రీ డాట్​బటన్​పై క్లిక్​ చేయండి.
• ఆ తర్వాత హెల్ప్(Help)​ బటన్​పై క్లిక్​ చేసి అబౌట్​ గూగుల్ క్రోమ్​(About Google Chrome) ఆప్షన్​ను ఎంచుకోండి.
• మీరు వినియోగించే బ్రౌజర్​ లేటెస్ట్​ వర్షెన్​ ఇన్​స్టాల్​ చేయకపోతే.. అప్​డేట్​ ఆప్షన్​ చూపిస్తుంది. దానిపై క్లిక్​ చేసి బ్రౌజర్​ను అప్​డేట్​ చేసుకోవచ్చు. అది పూర్తవ్వగానే సిస్టమ్​ను రీస్టార్ట్​ చేయాల్సిఉంటుంది.

Android Phones Security Risk : ఆండ్రాయిడ్ యూజర్స్​కు అలర్ట్​.. ఫేక్​ టెలిగ్రామ్​, సిగ్నల్​ యాప్స్​తో​.. జర జాగ్రత్త!
Android Phones Security Risk In Telugu : కొద్ది రోజుల క్రితం ఆండ్రాయిడ్ ఫోన్ యూజర్లు అందరికీ టెక్​ నిపుణులు కొన్ని సూచనలు చేశారు. ఆండ్రాయిడ్ ఫోన్లలో చాలా సెక్యూరిటీ వల్నరబులిటీస్ ఉన్నట్లు గుర్తించారు. అలాగే గూగుల్ ప్లేస్టోర్​లో నకిలీ టెలిగ్రామ్​, సిగ్నల్ యాప్​లు కూడా ఉన్నట్లు తెలిపారు. వీటిలోని స్పైవేర్స్​.. యూజర్ల డేటాను చోరీ చేస్తాయని హెచ్చరిస్తున్నారు. అందుకే ఆండ్రాయిడ్​ యూజర్లు తమ ఫోన్లను వెంటనే అప్​డేట్​ చేసుకోవాలని, ఫేక్ యాప్​లను డిలీట్ చేయాలని సూచిస్తున్నారు.