ప్రీమియం మొబైల్ తయారీ సంస్థ యాపిల్.. తన తరువాత ఐఫోన్ 14 (Iphone 14 Design) విషయంలో సమూల మార్పులకు తెరతీసినట్లు తెలుస్తోంది. ప్రత్యేకించి డిజైన్ విషయంలో మార్పులు చేస్తోంది. ఇప్పటికే విడుదల చేసిన ఐఫోన్ 13 సిరీస్లో.. ఎస్ అప్గ్రేడ్ను తలపిస్తుండగా, తాజా సమాచారం యాపిల్ ప్రియులకు శుభవార్తే.
ఇదే విషయాన్ని బ్లూమ్బర్గ్ న్యూస్లెటర్లో కూడా పేర్కొంది. ప్రముఖ టెక్ నిపుణుడు మార్క్ గుర్మాన్ ఈ విషయాన్నే వెల్లడించారు. 2022లో యాపిల్ ఐఫోన్ 14 (Iphone 14 Design) పూర్తిస్థాయిలో రీ డిజైన్ చేస్తున్నట్లు పేర్కొన్నారు. అందులోనూ కేవలం ఎంట్రీ లెవల్, ప్రో మోడల్స్ మీద మాత్రమే యాపిల్ ఇంజినీర్లు పని చేస్తున్నారని చెప్పారు. అయితే ఇప్పటి వరకు యాపిల్ తీసుకొచ్చిన మినీ వెర్షన్ అనేది ఇకపై విడుదల కాకపోవచ్చని పేర్కొన్నారు.
అయితే యాపిల్ ఎప్పటిలాగానే నాలుగు మోడళ్లను విడుదల చేస్తుంది. వాటిలో రెగ్యులర్ సైజ్ మోడల్, రెండు ప్రో మోడల్స్, ఒకటి ఐఫోన్ 14 మ్యాక్స్. ప్రస్తుతం యాపిల్ తీసుకొచ్చిన యాపిల్ 13లోని మినీ మోడలే చివరి మినీ మోడల్ కానుంది. దీని అమ్మకాలు తక్కువగా ఉండడం వల్ల మినీకి ఇక చెక్ పెడుతున్నట్లు చెప్పుకొచ్చారు.
ఇదే తొలిసారి కాదు..
యాపిల్ ఫోన్ నిర్మాణంలో పూర్తిస్థాయిలో మార్పులు చేయడం ఇదేం తొలిసారి కాదు. 2017లో ఐఫోన్ ఎక్స్లో పంచ్ హోల్ డిజైన్ను రూపొందించేటప్పుడు కూడా ఇలానే చేసినట్లు యాపిల్ విశ్లేషకుడు మింగ్-చి కువో తెలిపారు. ఐఫోన్ 14 ప్రోకు ముందు భాగంలో హోల్-పంచ్ కెమెరాను తీసుకొస్తున్నట్లు పేర్కొన్నారు. అయితే ఇప్పటికే చాలా ఆండ్రాయిడ్ స్మార్ట్‌ఫోన్‌లు ఈ పంచ్-హోల్డ్ డిజైన్‌తో వస్తున్నాయి. కాబట్టి ఈ ఆలోచన కొత్తదేమీ కాదు.
ఐఫోన్ 14 మోడల్ గతంలో తీసుకొచ్చిన ఐఫోన్ 4 మోడల్ లా రేర్ కెమెరాలను కలిగి, టైటానియంతో చేసిన సైడ్ బ్యాండ్ ఉంటాయని ప్రముఖ యూట్యూబర్ జాన్ ప్రాసెసర్ తెలిపారు. ఈ ఫోన్ వచ్చే ఏడాదికి సిద్ధమవుతుందా లేదా అనేది తెలియాల్సి ఉంది. ఇదిలా ఉంటే 2024 నాటికి ఫోల్డబుల్ ఐఫోన్ అందుబాటులోకి రానున్నట్లు రూమర్స్ వినిపిస్తున్నాయి.
ఇదీ చూడండి: ఐఫోన్ కొత్త ఓఎస్లో ఉండే కీలక ఫీచర్లు ఇవే!
