Useful Android Apps: కెమెరా, గ్యాలరీ, ఫైల్ మేనేజర్, కాంటాక్ట్స్, మ్యూజిక్ ప్లేయర్.. దాదాపు నిత్యం ఉపయోగించే యాప్స్ ఇవి. అయితే.. స్మార్ట్ ఫోన్లోనే డిఫాల్ట్గా వచ్చే ఈ యాప్స్లో ఎప్పటికీ పెద్దగా మార్పులు ఉండవు. ఉన్న ఫీచర్లతోనే సరిపెట్టుకోవాలి. అయితే.. ఇలాంటి ఉపయోగకర యాప్స్కు ఇప్పుడు అద్భుతమైన ప్రత్యామ్నాయాలు ఉన్నాయి. వాటిని ఇన్స్టాల్ చేసుకుంటే మీ మొబైల్ మరింత స్మార్ట్గా తయారవుతుంది. వాటిపై ఓ లుక్కేయండి!
1. ఫైల్స్ గో(ఫైల్ మేనేజర్): ఫైల్ మేనేజ్మెంట్ యాప్కు.. 'ఫైల్స్ గో' మంచి ఆల్టర్నేటివ్. మెసేజింగ్ యాప్‌ల ద్వారా వచ్చిన డూప్లికేట్ ఫైల్స్, జంక్ పిక్చర్స్, వీడియోలు గుర్తించి తొలగించమని సలహా ఇస్తుంది. వినియోగంలో లేని యాప్స్ను అన్ఇన్స్టాల్ చేయమని గుర్తు చేస్తుంది. వీటన్నింటితో పాటు భారీ మొత్తంలో ఉన్న ఫైల్స్ను షేర్ చేసుకునే సౌకర్యం కూడా ఉంది.
2. పికాయ్(కెమెరా): పికాయ్.. మొబైల్లోని డిఫాల్ట్ కెమెరా యాప్కు మంచి ప్రత్యామ్నాయం. సీన్ డిటెక్షన్ అల్గారిథం దీని ప్రత్యేకత. మీరు ఫొటో తీస్తుండగానే.. అది మరింత అందంగా కనిపించేందుకు ఎలాంటి ఫిల్టర్ ఉపయోగిస్తుంటే బాగుంటుందో లైవ్లోనే సూచిస్తుంది. సంజ్ఞలతోనే ఆ ఫిల్టర్లను మార్చుకోవచ్చు. ఇది ఫ్రంట్ కెమెరాకు కూడా పనిచేస్తుంది.
3. స్మార్ట్ లాంచర్ 5: ఫోన్‌లో పాత ఇంటర్‌ఫేస్‌తోపాటు, యాప్స్, ఫోన్ పనితీరులో మీకు నచ్చినట్లుగా మార్పులు చేసుకునేందుకు ఆండ్రాయిడ్ యూజర్లకు లాంచర్లు అందుబాటులో ఉన్నాయి. అందులో ఒకటి స్మార్ట్ లాంచర్ 5. ఈ యాప్ను లాంచ్ చేయడం ద్వారా ఫొన్లోని యాప్స్ను గ్రిడ్స్ స్థానంలో విడ్జెట్స్గా మార్చుకోవచ్చు. మీకు కావాల్సిన విధంగా యాప్లను రీసైజ్ చేసుకోవచ్చు. ప్రీమియం వెర్షన్తో వాల్పేపర్, ఎడిట్ కేటగిరీలు, అడ్వాన్స్డ్ ఐకాన్స్ సదుపాయాలు అన్లాక్ చేయవచ్చు.
4. ట్రూకాలర్: ఆండ్రాయిడ్ ఫోన్లలో మెసేజింగ్ యాప్ డిఫాల్ట్గా వచ్చినా అంతగా రక్షణ కలిగి ఉండదు. ఇలాంటి వారికోసం మెసేజ్ యాప్ను మార్చుకోవడాన్ని గూగుల్ సులభతరం చేస్తుంది. ట్రూకాలర్లో కాలర్ ఐడీ ఆన్ చేసిన తర్వాత స్పామ్ మెసేజ్స్ రాకుండా చూస్తుంది. ఇవే కాక వన్టైమ్ పాస్వర్డ్ కాపీ చేయడం, స్మార్ట్ కేటగిరీ ఆప్షన్లతో ఉంటుంది.
5. మ్యూజిక్స్మ్యాచ్(మ్యూజిక్ ప్లేయర్): మ్యూజిక్స్మ్యాచ్ అనేది గుర్తింపు పొందిన యాప్ కానప్పటికీ.. మంచి ఫీచర్లను కలిగి ఉండి అద్భుతంగా పనిచేస్తుంది. మనం ప్లే చేస్తున్న పాటలకు సంబంధించిన లిరిక్స్ను చూపిస్తుంది. ఆ లిరిక్స్ను పోస్టర్గా మార్చి సోషల్ మీడియాలో షేర్ చేసుకునే అవకాశం ఉంది. ఇతర భాషల్లోని పాటలను మనకు నచ్చిన భాషల్లోకి ట్రాన్స్లేట్ చేసే సదుపాయం కూడా ఉంది. థర్డ్ పార్టీ యాప్లైన యాపిల్ మ్యూజిక్, స్పాటిఫై లాంటి యాప్స్లోనూ పనిచేస్తుంది.
6. ఒపెరా టచ్(బ్రౌజర్): ఆండ్రాయిడ్లో ఉండే బ్రౌజింగ్ యాప్లలో ఒపెరా టచ్ ఒకటి. పెద్ద స్కీన్లు గల ఫోన్లలో సైతం సులభంగా ఉపయోగించుకునేలా ఈ యాప్ ఉంటుంది. సాధారణంగా అన్ని యాప్లలో ఆప్షన్లు వరుసగా ఉంటాయి. కానీ దీంట్లో ఫాస్ట్ యాక్షన్ బటన్తో మరొక ట్యాబ్‌కు మారడం, రీలోడ్, సెర్చింగ్ లాంటివన్నీ యాక్సెస్ చేయడానికి సులభంగా ఉంటుంది.
7. డ్రూప్(ఫోన్, కాంటాక్ట్స్): ఫోన్ డైలర్, కాంటాక్ట్స్ యాప్స్ గురించి పెద్దగా ఆలోచించరు. ఒకవేళ గనుక మీరు ప్రత్యామ్నాయం చూస్తే డ్రూప్ అనేది మీకు మంచి ఆప్షన్. ఇది మీకు కావాల్సిన ప్రతి కాంటాక్ట్ను ఫింగర్టిప్స్ పైనే ఉంచుతుంది. స్వైప్ ఆధారిత యూఐ ద్వారా పనిచేసే ఈ యాప్ ఫ్లోటింగ్ ఐకాన్తో ఎప్పుడూ స్క్రీన్ పైనే కనిపిస్తుంది. దాని పైన క్లిక్ చేసి కాల్ చేయడం, వాట్సాప్ చాట్ చేయడం లాంటివి చేసుకోవచ్చు.
8. క్యూరేటర్(గ్యాలరీ): ఈ యాప్తో ఫొటోలను కంటెంట్ ఆధారంగా గుర్తించి పనిచేస్తుంది. ఇది మనం అనుకున్న విషయాన్ని సెర్చ్ చేసే సదుపాయాన్ని కల్పిస్తుంది. జంతువులు, స్కైలైన్లు, సెల్ఫీల ఆధారంగా గుర్తించి ప్రత్యేకంగా ఉంచుతుంది. ఈ యాప్ గూగుల్ ఫొటోస్ లాగా మెరుగైన ఫొటో మేనేజ్మెంట్ అందించకున్నా.. ఆఫ్లైన్లో బాగా పనిచేస్తుంది.
9. AMడ్రాయిడ్(క్లాక్): AMడ్రాయిడ్ అనేది నిద్ర నుంచి లేవడానికి అలారం పెట్టుకునే వాళ్ల కోసం అన్ని ఫీచర్లతో అందుబాటులో ఉన్న యాప్. అనేక రకాల పరిస్థితులు, రోజులకు సరిపోయేలా దీన్ని రూపొందించారు. ఈ యాప్తో ఫ్లాష్లైట్, వైఫైని ఆటోమేటిక్గా ఆన్ చేసేలా సెట్ చేసుకోవచ్చు. అలారంను తాత్కాలికంగా ఆపివేయడమే కాకుండా.. స్క్రీన్పై వాతావరణ సమాచారాన్ని కూడా చూడవచ్చు. ఈ యాప్ను తక్కువ వాల్యూమ్తో మోగుతూ, క్రమంగా పెరుగుతూ సున్నితంగా మేల్కొలిపే విధంగా రూపొందించారు.
ఇవీ చదవండి: ఇంటర్నెట్ ఆఫ్ థింగ్స్.. అంతర్జాలం కానుంది ఇక వస్తుజాలం!
వాట్సాప్లో కొత్త ఫీచర్స్.. చాట్ లిస్ట్లోనే స్టేటస్.. గ్రూప్ కాలింగ్లో మ్యూట్ ఆప్షన్
