వెజ్ ప్రియులు మీల్ మేకర్ను అధికంగా ఇష్టపడతారు. మంచి విందు చేసుకోవాలంటే ప్రత్యేకంగా మీల్ మేకర్ను (meal maker manchuria) వండుకుని ఆరగిస్తారు. అయితే.. మరింత టేస్టీగా ఉండే మీల్ మేకర్ మంచూరియాను (meal maker manchuria recipe) తయారు చేసుకోవాలంటే ఎలాగో తెలుసుకుందాం!
కావాల్సిన పదార్థాలు:
మైదా పిండి, కార్న్ఫ్లోర్, మిరియాల పొడి, ఉప్పు, మీల్మేకర్, అల్లం, వెల్లుల్లి, ఉల్లిపాయ, పచ్చిమిర్చి, రెడ్ క్యాప్సికం, సోయా సాస్, గ్రీన్ చిల్లీ సాస్, వెనిగర్, లేత ఉల్లిపాయ, కొత్తిమీర.
తయారీ విధానం:
ముందుగా ఒక గిన్నెలో మైదా పిండి, కార్న్ఫ్లోర్, మిరియాల పొడి, ఉప్పు వేసి నీళ్లు పోసి పిండి తడుపుకోవాలి. ఇందులో నానబెట్టుకున్న మీల్మేకర్ వేసి బాగా కలుపుకుని వేడిగా ఉన్న నూనెలో వేసి డీప్ఫ్రై చేసుకుని పక్కన పెట్టుకోవాలి. ఇప్పుడు ఒక పాన్లో నూనె వేడెక్కిన తర్వాత అందులో సన్నగా కట్ చేసి పెట్టుకున్న అల్లం, వెల్లుల్లి, ఉల్లిపాయ ముక్కలు, ఉప్పు, కట్ చేసి పెట్టుకున్న పచ్చిమిర్చి ముక్కలు, రెడ్ క్యాప్సికం ముక్కలు వేయాలి.
కొంచెం వేగిన తర్వాత ముందుగా ఫ్రై చేసుకున్న మీల్ మేకర్ను ఆ మిశ్రమంలో వేసి కలుపుకోవాలి. సోయా సాస్, గ్రీన్ చిల్లీ సాస్, వెనిగర్, లేత ఉల్లిపాయ ముక్కలు, స్ప్రింగ్ ఆనియన్స్, కొత్తిమీర వేసి కలుపుకోవాలి. ఆ తర్వాత దానిని ప్లేట్లోకి తీసుకుని పై నుంచి కొత్తిమీర, ఆనియన్స్తో మళ్లీ గార్నిష్ చేసుకుంటే మీల్ మేకర్ మంచూరియా రెడీ అవుతుంది.
- " class="align-text-top noRightClick twitterSection" data="">
ఇదీ చదవండి:'మీల్మేకర్'తో పసందైన బిర్యానీ చేద్దామిలా!
