ఎప్పుడూ ఒకేలా దోశలు తిని బోర్ కొట్టేసిందా? ఓ సారి జొన్న దోశను(Jonna Dosa) ట్రై చేయండి. మంచి రుచితో పాటు ఆరోగ్యం మీ సొంతమవుతుంది. శరీర బరువును(Jowar Dosa for Weight Loss) నియంత్రించడంలోనూ కీలకంగా వ్యవహరిస్తుంది. తక్కువ సమయంలోనే దీన్ని తయారుచేసుకోవచ్చు. మరి టేస్టీగా ఉండే ఇన్స్టెంట్ జొన్న దోశ ఎలా తయారుచేసుకోవాలో చూసేద్దామా..
- " class="align-text-top noRightClick twitterSection" data="">
కావాల్సిన పదార్థాలు:
ఉల్లిపాయ ముక్కలు, క్యారెట్ తురుము, పచ్చిమిర్చి, జొన్న పిండి, నూనె, కరివేపాకు, పింక్ సాల్ట్, అల్లం తురుము, బియ్యం పిండి, మజ్జిగ, కొత్తిమీర
తయారీ విధానం..
ముందుగా మిక్సీజార్లో కొద్దిగా తురిమిన ఉల్లిపాయ ముక్కలు, కొద్దిగా అల్లం తురుము, కొన్ని పచ్చిమిర్చి, కొద్దిగా కొత్తిమీర, కరివేపాకు, కొంచెం పింక్ సాల్ట్ వేసి మిక్సీ పట్టించుకోవాలి.
మళ్లీ కొంచెం మజ్జిగ పోసి మిక్సీ పట్టాలి. ఇప్పుడు ఒక బౌల్లో జొన్న పిండి 2 స్పూన్లు, 1 స్పూన్ బియ్యం పిండి, కొద్దిగా ఉప్పు వేసి చేతితో బాగా కలుపుకోవాలి. దీనికి మిక్సీ పట్టించిన మిశ్రమాన్ని కూడ వేసి కలపాలి.
ఈ మిశ్రమంతో వేడి ప్యాన్ మీద దోశ వేసుకోవాలి. దానిపై క్యారెట్ తురుము, కొత్తిమీర వేసి ఇరువైపులా కాల్చుకొని డిషౌట్ చేసుకుంటే ఎంతో రుచికరమైన ఇన్స్టెంట్ జొన్న దోశ రెడీ.
ఇదీ చూడండి: ఆహారం కలుషితమైతే.. పేగు సంబంధిత వ్యాధులు తప్పువు!
