- మునగాకు (DrumStick Leaf)లో బీటాకెరొటిన్‌ (beta Carotene) దండిగా ఉంటుంది. ఇది కంటి ఆరోగ్యాన్ని కాపాడుతుంది.
- ఈ ఆకుల నుంచి ఇనుము పుష్కలంగా లభిస్తుంది. కూర, పప్పు, వేపుడు, పొడి... ఇలా వివిధ రకాలుగా మునగాకు (DrumStick Leaf)ను ఆహారంలో చేర్చుకుంటే రక్తహీనత సమస్య ఎదురుకాదు.
- పాలతో పోలిస్తే మూడొంతుల క్యాల్షియం (calcium) ఇందులో అధికంగా ఉంటుంది. 100 గ్రాముల మునగాకు నుంచి దాదాపు నాలుగు వందల మైక్రోగ్రాముల క్యాల్షియం అందుతుంది. దీన్ని పొడిలా, కూరల్లో వేసుకుని తీసుకుంటే ఎముక సంబంధ సమస్యలు (Orthopedic problems) తలెత్తవు.
- మునగాకులోని కొన్ని రసాయనాలు రక్తనాళాలు గట్టిగా మారకుండా చూస్తాయి. వీటిలో ఇన్సులిన్‌ రెసిస్టెన్స్‌ (Insulin resistance)ను తగ్గించే ఔషధగుణాలుంటాయి.
- దీనిలోని పీచు ఆహారం త్వరగా జీర్ణమయ్యేందుకు తోడ్పడుతుంది. అంతేకాదు కొవ్వును బయటకు పంపేస్తుంది. కాబట్టి ఊబకాయులు తమ ఆహారంలో దీన్ని చేర్చుకోవచ్చు.
- ఈ ఆకుల్లో విటమిన్‌-సి కూడా మెండుగా ఉంటుంది. దీన్ని తీసుకుంటే ఇమ్యూనిటీ పెరుగుతుంది.
- వీటిలోని పొటాషియం అధిక రక్తపోటును తగ్గిస్తుంది. పీచు రక్తస్థాయులను క్రమబద్ధీకరిస్తుంది. మధుమేహులు ఎక్కువగా తీసుకుంటే మంచిది. మలబద్ధకంతో బాధపడేవారు ఈ ఆకులను తరచూ తీసుకుంటే సమస్య తగ్గుతుంది.
- మునగలోని ఫైటోకెమికల్స్‌, పాలీఫినాల్స్‌ శరీరంలోని మలినాలను బయటకు పంపించి రక్తంలోని ఫ్రీరాడికల్స్‌ (Free radicals)ను నిర్మూలిస్తాయి.
- పాలకూరతో పోలిస్తే దీంట్లో మూడు రెట్లు ఎక్కువగా ఇనుము ఉంటుంది. అరటిపండులో కంటే ఏడు రెట్లు ఎక్కువగా మెగ్నీషియం లభిస్తుంది. పాలల్లో కంటే రెండు రెట్లు ఎక్కువగా ప్రొటీన్లు ఉంటాయి. ఇనుము, మెగ్నీషియం మనల్ని త్వరగా అలసటకు గురికాకుండా చేస్తాయి.
- మునగాకులో ఎక్కువగా ఉండే పీచు వల్ల కాస్త తినగానే కడుపు నిండిన భావన కలిగిస్తుంది. ఈ ఆకుల్లో ఉండే క్లోరోజనిక్‌ ఆమ్లం (Chlorogenic acid) సహజంగా కొవ్వును కరిగిస్తుంది. రక్తంలో చక్కెర స్థాయులను నియంత్రిస్తుంది.
- శరీరంలోని వ్యర్థాలను బయటకు పంపడంలో సాయపడుతుంది. దీంట్లోని యాంటీ ఆక్సిడెంట్లు ఫ్రీరాడికల్స్‌ (Free radicals)తో పోరాడుతుంటాయి.
- మునగలోని విటమిన్‌-ఎ (Vitamin-A) చర్మాన్ని మృదువుగా ఉంచుతుంది..
- ఈ ఆకులోని అమైనో ఆమ్లాలు కెరోటిన్‌ ప్రొటీన్‌ (Carotene protein) ఉత్పత్తికి తోడ్పతాయి. ఈ ప్రొటీన్‌ జుట్టు పొడవుగా (Helps For Lengthy Hair) పెరిగేలా చేస్తుంది.
- ఇది జీర్ణశక్తిని మెరుగుపరుస్తుంది. మలబద్ధకాన్ని నివారిస్తుంది. కడుపులోని పుండ్లు, ఇన్‌ఫెక్షన్లను తగ్గిస్తుంది.
- గొంతునొప్పి, దగ్గు, గొంతులో ఏదో అడ్డుపడ్డట్లు అనిపించడం వంటి సమస్యలతో ఇబ్బంది పడుతున్నప్పుడు ఒక కప్పు వేడి మునగ సూప్‌ (Munaga soup) తాగి చూడండి. ఈ సమస్యలన్నీ ఇట్టే పోతాయి. శ్వాసకోశ ఇబ్బందులతో బాధపడేవారు మునగాకుని తరచూ తీసుకుంటే మంచిది.
ఇదీ చూడండి: రోగనిరోధకశక్తిని పెంచుకోవాలంటే మునగాకు తినాల్సిందే!
