'డిజైనర్ లైబ్రరీ'లో వస్త్రాభరణాలు అదరహో'

భాగ్యనగరంలో ఏర్పాటుచేసిన ఫ్యాషన్​ ప్రదర్శన చూపరుల్ని ఆకట్టుకుంటోంది. ప్రముఖ డిజైనర్లు రూపొందించిన వస్త్రాభరణాలు మహిళల మనసు దోచుకుంటున్నాయి.

ఫ్యాషన్ ప్రియులకోసం హైదరాబాద్ మహానగరంలో మరో ప్రదర్శన అందుబాటులోకి వచ్చింది. హైటెక్స్ నోవాటెల్ హోటల్​లో 'డిజైనర్ లైబ్రరీ' పేరుతో ఏర్పాటు చేసిన రెండు రోజుల ఫ్యాషన్ ఎగ్జిబిషన్ కనువిందు చేస్తోంది. నటి భానుశ్రీ మెహరా, మోడల్ ఆషికా గౌతమ్ ఈ ప్రదర్శనను ప్రారంభించారు.

డిజైనర్ లెహంగాలు, కాటన్ కళంకారి దుపట్టాలు, చిక్ వర్క్ చుడీదార్లు ఇలా ఒకటేమిటీ ఫ్యాషన్ రంగంలో ఉన్న అన్ని రకాల వస్త్రాలు ఇక్కడ కొలువుదీరాయి. ప్రముఖ డిజైనర్లు రూపొందించిన దుస్తులు, ఆభరణాలు మహిళలను ఆకట్టుకుంటున్నాయి.