ఏపీ: పోలీసు కస్టడీలో నిందితుడి మృతి

పోలీసుల కస్టడీలో ఓ నిందితుడు మృతిచెందారు. ఏపీ విజయవాడలో ఈ ఘటన జరిగింది. మద్యం అక్రమ రవాణా కేసులో అరెస్టయిన యువకుడు అజయ్​ను పోలీసులు విచారించారు. గురువారం సాయంత్రం ఆ యువకుడు హఠాత్తుగా మరణించాడు.

విజయవాడలో యువకుడి అనుమానాస్పద మృతి కలకలం రేపింది. సెప్టెంబర్‌ 17న ఆర్టీసీ కార్గోలో మద్యం అక్రమరవాణా చేస్తున్న కేసులో నిందితుడు అజయ్‌ను ఎస్​ఈబీ అధికారులు అదుపులోకి తీసుకున్నారు. అజయ్‌తో పాటు మరొకరినీ విచారించారు. గురువారం మధ్యాహ్నం అజయ్‌ను ఎస్​ఈబీ కార్యాలయానికి తీసుకువచ్చి స్టేట్‌మెంట్‌ రికార్డ్‌ చేశారు.

గురువారం సాయంత్రం నాలుగున్నర గంటల సమయంలో హఠాత్తుగా....అతను అనారోగ్యంతో ఇబ్బంది పడ్డాడని, వెంటనే దగ్గరలోని ఓ ప్రైవేట్‌ ఆసుపత్రికి తీసుకెళ్లామని అధికారులు చెబుతున్నారు. ఆసుపత్రిలో చికిత్స పొందుతూ చనిపోయాడని తెలిపారు. మృతదేహాన్ని పోస్ట్‌మార్టం నిమిత్తం ప్రభుత్వాసుపత్రికి తరలించారు.

ఇవీచూడండి: ఏసీపీ నర్సింహారెడ్డి కేసులో మరో కొత్తకోణం.. 8 మంది అరెస్టు