జగిత్యాల జిల్లాలో గత నాలుగు రోజులుగా ఉరుములు మెరుపులతో కూడిన భారీ వర్షాలు కురుస్తున్నాయి. ఈ క్రమంలో జగిత్యాల గ్రామీణ మండలం కల్లెడలో తాటి చెట్టుపై పిడుగు పడింది. ప్రమాదంలో పెరుమల్ల కిష్టయ్య గౌడ్, పెరుమల్ల రాజేశం గౌడ్ అనే ఇద్దరు గీత కార్మికులు తీవ్రంగా గాయపడ్డారు. అక్కడే ఉన్న మరో ముగ్గురు ప్రమాదం నుంచి తప్పించుకున్నారు.
క్షతగాత్రులను జగిత్యాలలోని ఓ ప్రైవేట్ ఆసుపత్రికి తరలించి.. చికిత్స అందించారు. జిల్లాలో వరుసగా పిడుగు ప్రమాదాలు జరుగుతుండటం వల్ల వర్షాలు పడుతున్న సమయంలో రైతులు, కూలీలు జాగ్రత్తగా ఉండాలని అధికారులు హెచ్చరిస్తున్నారు.
