జనగామ జిల్లా లింగాల ఘనపురం మండలం నెల్లుట్ల గ్రామం ఆర్టీసీ కాలనీకి చెందిన కొమ్మరాజుల యాదగిరి బైపాస్ రోడ్డులో ఎకరంన్నర భూమిని ఆరుగురు బిడ్డలకు గిఫ్ట్ రిజిస్ట్రేషన్ చేయించాడు.
అదే గ్రామానికి చెందిన శివరాత్రి లక్ష్మి తప్పుడు పత్రాలను సృష్టించి తమ భూమిపై పెత్తనం చెలాయిస్తుందని వాపోయారు. ఈ విషయంపై గతంలో కోర్టు కూడా తమకు అనుకూలంగా తీర్పును ఇచ్చిందని పేర్కొన్నారు. దాంతో ఆ భూమిలో కంది పంటను వేసుకున్నామని తెలిపారు.
పంట చేతి కందే సమయంలో శివరాత్రి లక్ష్మి, ఆమె అల్లుడు రాత్రికి రాత్రే పది మంది వ్యక్తులతో పంటను పూర్తిగా తొలగించారని తమకు న్యాయం చేయాలనే ఆత్మహత్యాయత్నానికి పాల్పడ్డామని పేర్కొన్నారు. కలెక్టరేట్లోనే ఉన్న కలెక్టర్ నిఖిల బయటకు వచ్చి బాధితులతో మాట్లాడింది. ఆర్టీవో వచ్చి సమస్యలు పరిష్కరిస్తాడని హామీ ఇవ్వడంతో ఆందోళన విరమించారు.
ఇదీ చదవండి: గాంధీ జయంతి: సత్యాగ్రహ నినాదం.. నిశ్శబ్ద పోరాటం
