పుట్టింటి నుంచి అత్తారింటికి భార్య రాలేదని మహ్మద్ శబజ్ అనే వ్యక్తి కత్తితో కోసుకుని ఆత్మహత్యయత్నానికి పాల్పడాడు. వెంటనే ఘటనాస్థలానికి చేరుకున్న భవానినగర్ పోలీసులు క్షతగాత్రుని ఉస్మానియా ఆసుపత్రికి తరలించారు.
సంతోష్ నగర్కి చెందిన మహ్మద్ శబజ్ ఆటో డ్రైవర్గా పనిచేస్తున్నాడు. సంవత్సరం క్రితం అతనికి భవానినగర్కి చెందిన బేగంతో పెద్దలు రెండో పెళ్లి చేశారు. అయితే అతను నిత్యం మద్యం సేవించి వచ్చి భార్య బేగంని కొట్టడం, చిత్రహింసలకు గురిచేస్తుంటాడని స్థానికులు తెలిపారు. కాగా కొద్దిరోజుల క్రితం ఆమె తన భర్తపై మహిళాపోలీస్ స్టేషన్లో ఫిర్యాదు చేసి.. ఆమె పుటింటికి వెళ్లిపోయింది. అయితే ఈరోజు బేగంను తన ఇంటికి రావాలని శబజ్ గొడవపడ్డాడు. కాగా తాను రాననడం వల్ల మద్యం మత్తులో కత్తితో కోసుకుని ఆత్మహత్యకు పాల్పడ్డాడు. పోలీసులు ఘటనాస్థలానికి చేరుకొని ఆసుపత్రికి చికిత్స నిమిత్తం తరలించారు.
ఇదీ చూడండి: రోడ్డు దాటుతుండగా ప్రమాదం... యువతి అక్కడికక్కడే మృతి
