మంచిర్యాల జిల్లా జన్నారం మండలం చింతగూడలో సైబర్ నేరాల్లో మరో కోణం వెలుగులోకి వచ్చింది. చింతగూడకు చెందిన బత్తుల నగేశ్ కుమార్తె పేరుతో మూడో రోజుల క్రితం స్పీడ్ పోస్ట్ వచ్చింది.
అందులో ఏముంది..
అందులో పన్నెండు లక్షలు గెలిచినట్లుగా ఓ కంపెనీ పేరుతో వివరాలున్నాయి. పూర్తి వివరాలు ఓ వాట్సప్ నంబర్కు పంపాలని సూచించారు. ఫోస్ట్లో చెప్పిన విధంగా బ్యాంకు ఖాతా సంఖ్యతో సహా వారు చెప్పిన నంబర్కు వాట్సప్ చేశారు బత్తుల నగేశ్. అనంతరం సోమవారం... దినేశ్ అనే పేరుతో వారికో ఫోన్ వచ్చింది.
మీరు గెలుచుకున్న నగదు పొందాలంటే.. పన్నెండు వేల రూపాయలను తాము చెప్పిన బ్యాంకు ఖాతాలో జమచేయాలన్నారు. అనుమానం వచ్చిన బత్తుల నగేశ్.. పోలీసులకు ఫిర్యాదు చేశారు. సైబర్ నేరగాళ్లు ఇచ్చిన బ్యాంకు ఖాతా తనిఖీ చేశామని.. వివరాలు నకిలీ అని తేలినట్లు ఎస్ఐ తెలిపారు. కేసు నమోదు చేసి దర్యాప్తు చేస్తున్నామన్నారు.
ఇవీచూడండి: ఇంజినీరింగ్ ప్రొఫెసర్... ఏకంగా 15 సార్లు ఓటీపీ చెప్పిన వైనం
