గ్యాంగ్స్టర్ నయీమ్ అనుచరుడు నాజర్ను భువనగిరి పోలీసులు అరెస్టు చేసి రిమాండ్కి తరలించారు. పట్టణంలోని కిసాన్ నగర్కు చెందిన నాజర్... నయీమ్ అనుచరుడిగా కొనసాగుతూ దందాలకు పాల్పడినట్లు పోలీసులు వివరించారు. పట్టణ శివారులోని ఎల్లమ్మ గుడికి సమీపంలో ఉన్న ఓ భూమి ఆక్రమణకు సంబంధించి 2017 లో కేసు నమోదైనట్లు తెలిపారు.
ఈ కేసుకు సంబంధించి నిందితుడిగా ఉన్న నాజర్ను మంగళవారం అరెస్ట్ చేసి రిమాండ్కి తరలించినట్టు భువనగిరి సీఐ వెల్లడించారు. నయీమ్ కేసులకు సంబంధించిన పలు కేసుల్లో నిందితుడిగా ఉన్న నాజర్ను... నయీమ్ కేసులను దర్యాప్తు చేస్తున్న సిట్ బృందం విచారణ నిమిత్తం గతంలో ఓ సారి అరెస్టు చేసింది.
