హాస్టళ్లలో ల్యాప్‌టాప్ చోరీలకు పాల్పడుతున్న దొంగను కేపీహెచ్బీ పోలీసులు అరెస్ట్ చేశారు. తూర్పుగోదావరి జిల్లా శృంగవరంకు చెందిన మంచిశెట్టి నాగ సత్యనారాయణ.. యం.ఫార్మసీ పూర్తి చేసి ఉద్యోగం నిమిత్తం నగరానికి వచ్చి అమీర్పేటలోని ఓ హాస్టల్లో ఉంటున్నాడు. సులభంగా డబ్బులు సంపాదించేందుకు ల్యాప్టాప్లు, సెల్ఫోన్ల చోరీల మొదలుపెట్టాడు. ఇంటర్వ్యూ నిమిత్తం వచ్చానని చెప్పి హాస్టల్లో గది తీసుకుని రూమ్లలో ఉన్న ల్యాప్టాప్లు, సెల్ ఫోన్లు అపహరించేవాడు.
కేపీహెచ్బీలో ల్యాప్‌టాప్ బ్యాగు ధరించి అనుమానాస్పదంగా సంచరిస్తున్న అతనిని పోలీసులు అదుపులోకి తీసుకుని విచారించారు. దీంతో తాను చేసిన నేరాలు ఒప్పుకున్నాడు. అతని వద్ద నుంచి మూడున్నర లక్షల విలువైన ఆరు ల్యాప్టాప్లు, రెండు సెల్ఫోన్లు స్వాధీనం చేసుకున్నారు. మాదాపూర్, గచ్చిబౌలి, కేపీహెచ్బీలోని మూడు హాస్టళ్లలో నిందితుడు చోరీ చేసినట్లు ఏసీపీ సురేందర్ రావు తెలిపారు.
ఇదీ చూడండి : టీఎంయూ నేత అశ్వత్థామరెడ్డికి షోకాజ్ నోటీసు
