మేడ్చల్-మల్కాజిగిరి జిల్లా నాచారం మల్లాపూర్లోని గోకుల్ నగర్లోని ఓ టైర్ల కంపెనీలో భారీ అగ్ని ప్రమాదం సంభవించింది. స్థానికులు భయాందోళనకు గురై అగ్నిమాపక సిబ్బందికి సమాచారం అందించారు. ఘటనా స్థలానికి చేరుకున్న అగ్నిమాపక సిబ్బంది 4 పాయింట్లతో మంటలు ఆర్పే ప్రయత్నం చేశారు. సుమారు మూడు గంటలు శ్రమించి మంటలను అదుపులోకి తీసుకొచ్చారు.
షార్ట్ సర్క్యూట్ వల్లే ఈ ఘటన సంభవించిందని పోలీసులు అనుమానం వ్యక్తం చేస్తున్నారు. సుమారు రూ.10 లక్షల మేర నష్టం వాటిల్లినట్లు అంచనా వేస్తున్నారు. ఈ ప్రమాదంలో ఎలాంటి ప్రాణనష్టం జరగలేదని పోలీసులు వెల్లడించారు. టైర్ల కంపెనీకి ఫైర్ సేఫ్టీ పరికరాలు లేనందునే ఈ ప్రమాదం జరిగిందని అగ్నిమాపక అధికారులు పేర్కొన్నారు. కంపెనీకి అనుమతులు లేనట్టు తెలుస్తోందని తెలిపారు.
ఇదీ చదవండి: కాల్మనీ కేటుగాళ్లు.. తీస్తున్నారు ప్రాణాలు
