మద్యం మత్తు ఓ హత్యకు దారి తీసింది. వెయిటర్ల మధ్య జరిగిన గొడవలో ఒకరి తలపై ఇనుప రాడ్డుతో దాడి చేయగా మరో వ్యక్తి అక్కడిక్కడే మరణించాడు. సికింద్రాబాద్ పరిధిలోని చిలకలగూడ ఏకే ఫంక్షన్ హాల్ వద్ద ఈ ఘటన చోటుచేసుకుంది.
మద్యం మత్తులో పండిత్ అనే వ్యక్తి ఆనంద్పై దాడి చేయగా తలకు తీవ్ర గాయాలై మరణించాడు. వీరిద్దరూ మధ్యప్రదేశ్ ప్రాంతానికి చెందినవారిగా పోలీసులు గుర్తించారు. గొడవకు దారితీసిన కారణాలపై ఆరా తీస్తున్నారు. ఘటనాస్థలంలో క్లూస్ టీం పలు ఆధారాలను సేకరించింది. ఈ ఘటనపై కేసు నమోదు చేసుకుని దర్యాప్తు చేస్తున్నారు.
ఇదీ చూడండి:బాలికను లైంగికంగా వేధిస్తున్న రైల్వే ఏఎస్సై అరెస్ట్
