నాంపల్లిలో కారు బీభత్సం... 6 ద్విచక్రవాహనాలు ధ్వంసం

బ్రేక్​ అనుకుని ఎక్స్​లేటర్​ ప్రెస్​ చేయడంతో కారు అదుపు తప్పి... పార్కింగ్​లో ఉన్న వాహనాలపైకి దూసుకెళ్లింది. ఆరు ద్విచక్రవాహనాలు ధ్వంసమయ్యాయి. ఈ ఘటన నాంపల్లిలో చోటు చేసుకుంది.

హైదరాబాద్​ నాంపల్లిలోని నిలోఫర్ కేఫ్ వద్ద కారు బీభత్సం సృష్టించింది. పార్కింగ్​లో ఉన్న వాహనాలపైకి దూసుకెళ్లింది. కారు ఢీకొని కేఫ్ వాచ్​మెన్​కు గాయాలు కాగా... 6 ద్విచక్రవాహనాలు ధ్వంసమయ్యాయి.

బ్రేక్​ అనుకుని ఎక్స్​లేటర్​ను ప్రెస్​ చేయడంతో ప్రమాదం జరిగింది. ఘటన సమయంలో ఎవరూ లేకపోవడంతో పెనుప్రమాదం తప్పింది. కారు నడిపిన లాల్​ దర్వాజ్​కు చెందిన అశ్విన్​ను పోలీసులు అదుపులోకి తీసుకున్నారు.

ఇదీ చూడండి: స్విఫ్ట్ కారు, ద్విచక్రవాహనం ఢీ... ఒకరు మృతి