యాదాద్రి భువనగిరి జిల్లాలోని భువనగిరి మండలం ఎర్రంబెల్లిలో దారుణం చోటు చేసుకుంది. ఎర్రంబెల్లికి చెందిన నేలపట్ల వెంకటేశ్... అదే గ్రామానికి చెందిన బొక్క నర్సిరెడ్డిపై కత్తితో దాడి చేశాడు. అడ్డుకున్న నర్సిరెడ్డి భార్య నీరజపై కూడా దాడికి పాల్పడ్డాడు. బాధిత దంపతులను స్థానికులు చికిత్స నిమిత్తం భువనగిరి ఏరియా ఆస్పత్రికి తరలించారు.
ఈ ఘటనలో నర్సిరెడ్డికి తీవ్రగాయాలు కాగా.. నీరజ స్వల్ప గాయలతో బయటపడ్డారు. భూ వివాదాల కారణంతోనే వెంకటేశ్ దాడికి పాల్పడ్డాడంటూ స్థానికులు తెలిపారు. పోలీసులు కేసు నమోదు చేసుకుని దర్యాప్తు ప్రారంభించారు.
ఇదీ చూడండి: మహిళను టార్గెట్ చేశాడు.. తానే టార్గెట్గా మారాడు..
