ద్విచక్రవాహనాన్ని ఢీకొన్న ఆర్టీసీ బస్సు.. ఒకరు మృతి

ద్విచక్రవాహనాన్ని ఆర్టీసీ బస్సు ఢీకొని ఒకరు మృతి చెందిన ఘటన నాగర్​ కర్నూలు జిల్లా వెల్దండ మండలం చెరుకూరులో జరిగింది. కేసు నమోదు చేసుకున్న పోలీసులు విచారణ చేపట్టారు.

నాగర్ కర్నూలు జిల్లా వెల్దండ మండలం చెరుకూరులో ద్విచక్ర వాహనాన్ని ఆర్టీసీ బస్సు ఢీకొట్టింది. ఈ ప్రమాదంలో కల్వకుర్తి మండలం వేపూర్ గ్రామానికి చెందిన ఎల్లయ్య (40) మృతి చెందారు. ఎల్లయ్య హైదరాబాద్ సమీపంలోని కోళ్ల ఫారంలో తన కుటుంబంతో కలిసి పని చేసుకుంటూ జీవనం కొనసాగిస్తున్నారు.

సోమవారం ఊరికి వెళ్లి తిరిగి హైదరాబాద్​ వెళ్తుండగా ఈ ప్రమాదం జరిగింది. మృతునికి భార్య జ్యోతి, ఇద్దరు పిల్లలు ఉన్నారు. బంధువుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై వివరించారు.

ఇదీ చదవండి: ఆ బంగారం ముంబయి, జయపురకు వెళ్తోంది..!