క్షణికావేశంలో పురుగుల మందు తాగిన ఓ వ్యక్తిని.. పోలీస్ సిబ్బంది తక్షణమే స్పందించి రక్షించారు. సూర్యాపేట జిల్లా తిరుమలగిరి మున్సిపాలిటీ కేంద్రంలో ఈ ఘటన చోటుచేసుకుంది.
భార్య, భర్తల మధ్య గొడవతో తిరుమలగిరికి చెందిన జీడిమెట్ల గణేష్ అనే వ్యక్తి క్షణికావేశంలో పురుగుల మందు తాగి అపస్మారక స్థితికి చేరుకున్నారు. వెంటనే బాధితుని బంధువులు 100 నెంబర్‌కు ఫోన్ చేశారు. కాల్ అందుకున్న పోలీస్ సిబ్బంది హుటాహుటిన ఘటనా స్థలానికి చేరుకొని అతడిని ఆసుపత్రికి తరలించి చికిత్స అందించారు. బాధితుడు ప్రాణాపాయస్థితి నుంచి బయటపడినట్లు వైద్యులు తెలిపారు. సకాలంలో స్పందించి ప్రాణాలు కాపాడిన సిబ్బందిని బాధితుని బంధువులు, ఎస్సై అభినందించారు.
ఇదీ చూడండి: బీజాపూర్ జాతీయ రహదారిపై వెళ్లాలంటే.. గుండె బేజారే!
