సైనికులపై ఉగ్రవాదుల కాల్పులు... నిద్రలోనే 11 మంది మృతి

IS attack in Iraq: సైనిక స్థావరాల్లో జవాన్లు నిద్రిస్తున్న సమయంలో ఉగ్రదాడి జరిగింది. పలువురు దుండగులు లోపలకు చొరబడి కాల్పులకు తెగబడ్డట్లు అధికారులు తెలిపారు. ఈ ఘటనలో 11 మంది మృతి చెందారు.

IS attack in Iraq: ఇరాక్​లో ఉగ్రవాదులు రెచ్చిపోయారు. ఇస్లామిక్ స్టేట్​ గ్రూప్​కు చెందిన ముష్కరులు దియాలా రాష్ట్రంలోని సైనిక స్థావరాలపై దాడి చేశారు. ఈ ఘటనలో 11 మంది సైనికులు ప్రాణాలు కోల్పోయారు. జవాన్లు నిద్రిస్తున్న సమయంలో ఈ ఘటన జరిగిందని ఇరాక్ అధికారులు తెలిపారు.

తెల్లవారుజామున 3 గంటలకు అల్ అజిమ్ జిల్లాలో ఉన్న సైనిక స్థావరాల్లోకి పలువురు ఉగ్రవాదులు చొరబడ్డారని అధికారులు తెలిపారు. వెంటనే కాల్పులకు తెగబడ్డారని చెప్పారు. సైనికులు నిద్రలోనే ప్రాణాలు కోల్పోయారని వెల్లడించారు.

ఇటీవల జరిగిన ఉగ్రదాడుల్లో ఇదే అతిపెద్దదని అధికారులు చెబుతున్నారు. ఈ ఘటనపై పూర్తి వివరాలు సేకరిస్తున్నారు.

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

ఇదీ చదవండి: ఉత్తర కొరియాకు చైనా, రష్యా వత్తాసు- ఆంక్షలకు మోకాలడ్డు!